Мабільная версія
ДЗЯРЖОРГАНЫ
Апошнія навіны
Усе навіны

Буйнейшы ў свеце вытворца мікрасхем пачынае маштабнае супрацоўніцтва з ПВТ

Эканоміка 19.09.2018 | 17:49
У час цырымоніі адкрыцця
У час цырымоніі адкрыцця

19 верасня, Мінск /Кар. БЕЛТА/. Паўднёвакарэйская кампанія - рэзідэнт Парка высокіх тэхналогій SK hynix адкрыла навукова-даследчы цэнтр распрацоўкі праграмнага забеспячэння пад сваім брэндам, перадае карэспандэнт БЕЛТА.

Беларускі цэнтр распрацоўкі SK hynix - адзінае прадстаўніцтва сусветнай карпарацыі ва Усходняй Еўропе. Гэта пакуль першыя і значныя інвестыцыі карэйскага бізнесу ў беларускі ІТ-рынак.

У цырымоніі адкрыцця цэнтра прынялі ўдзел дырэктар Парка высокіх тэхналогій Усевалад Янчэўскі, першы віцэ-прэзідэнт кампаніі SK hynix Джэйсан Лі, дырэктар кампаніі SK hynix memory solutions Eastern Europe Ховард Крыстафер Алан, пасол Рэспублікі Карэя ў Беларусі Кім Енг Хо і намеснік старшыні Дзяржаўнага камітэта па навуцы і тэхналогіях Беларусі Сяргей Шчарбакоў.

Як адзначыў Усевалад Янчэўскі, прыход такіх сусветных гігантаў у Беларусь - прамы вынік дзеяння дэкрэта Прэзідэнта "Аб развіцці лічбавай эканомікі".

Ховард Крыстафер Алан падзякаваў карэйскім партнёрам за падтрымку і істотныя інвестыцыі ў новы офіс. Ён таксама дадаў: "Мы пачалі працаваць у Беларусі каля пяці гадоў таму. Калі б не падтрымка Парка высокіх тэхналогій, то ў нас з калегамі не атрымалася б працаваць".

Кім Енг Хо падкрэсліў, што кампанія SK hynix - адна з буйнейшых і шаноўных у Рэспубліцы Карэя. "Некалькі гадоў таму ў Беларусі працавалі каля 60 супрацоўнікаў SK hynix, цяпер - амаль 180. Прычым з Карэі прыехаў толькі адзін супрацоўнік, астатнія - мясцовыя. Гэта вельмі рэдкі выпадак. Думаю, што іх будзе станавіцца ўсё больш і яны ўнясуць вялікі ўклад у развіццё грамадства", - сказаў пасол.

SK hynix уваходзіць у склад аднаго з буйнейшых у свеце шматпрофільных холдынгаў SK Group і забяспечвае каля палавіны капіталізацыі паўднёвакарэйскага кангламерату. У мінулым годзе кампанія павялічыла выручку на 80 працэнтаў, яе даход склаў каля $30 млрд. У бягучым годзе фінансавыя паказчыкі ўжо выраслі на 20 працэнтаў. Сёння SK hynix з'яўляецца самай хуткарослай у свеце кампаніяй па вытворчасці мікрасхем і аператыўнай памяці. Яе распрацоўкі выкарыстоўваюцца ў прадуктах Apple, Microsoft, LG, HP, Dell, Asus.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.