17 верасня, Мінск /Кар. БЕЛТА/. Рэгіянальная палітыка дзяржавы накіравана на тое, каб людзі хацелі жыць на сваёй зямлі. Такое меркаванне выказала намеснік міністра эканомікі Таццяна Бранцэвіч у ходзе рабочай паездкі ў Маладзечна для абмеркавання праектаў праграм сацыяльна-эканамічнага развіцця Мінскай вобласці, Маладзечанскага, Барысаўскага, Салігорскага раёнаў да 2025 года, паведамляе БЕЛТА са спасылкай на сайт ведамства.
"У любым горадзе, рэгіёне могуць быць створаны новыя магчымасці. Але для гэтага трэба знайсці, як гэта прынята цяпер гаварыць, "фішку" яго развіцця: перспектыўную спецыялізацыю, канкурэнтную перавагу, "свой твар". Іншымі словамі, рэгіянальныя праграмныя дакументы павінны даць адказ на пытанне: як ажыццявіць патэнцыял кожнага рэгіёна краіны, зрабіць яго прывабным для людзей і бізнесу", - падкрэсліла Таццяна Бранцэвіч.-0-
