Фота з архіва
15 студзеня, Мінск /Кар. БЕЛТА/. Беларусь гатова нарошчваць гандлёва-эканамічнае супрацоўніцтва з Уладзімірскай вобласцю. Аб гэтым паведаміла намеснік міністра эканомікі Таццяна Бранцэвіч у ходзе Дня Уладзімірскай вобласці, які праходзіў у рамках выстаўкі "Расія" на ВДНГ у Маскве, паведамілі БЕЛТА ў прэс-службе Мінэканомікі.
Намеснік кіраўніка эканамічнага ведамства азнаёмілася з экспазіцыяй расійскага рэгіёна і правяла серыю перагавораў на палях мерапрыемства.
На сустрэчы Таццяны Бранцэвіч з губернатарам Уладзімірскай вобласці Аляксандрам Аўдзеевым і яго першым намеснікам Аляксандрам Рамігам абмяркоўваліся пытанні рэалізацыі пагаднення паміж урадам Беларусі і адміністрацыяй Уладзімірскай вобласці аб гандлёва-эканамічным, навукова-тэхнічным і сацыяльна-культурным супрацоўніцтве на 2024-2027 гады.
Намеснік міністра эканомікі адзначыла, што беларускі бок нацэлены выканаць свае абавязацельствы ў поўным аб'ёме. Таксама ў час сустрэч закраналіся пытанні падрыхтоўкі візіту беларускай дэлегацыі пад кіраўніцтвам міністра эканомікі Беларусі ва Уладзімірскую вобласць.
З мэрам Уладзіміра Дзмітрыем Навумавым Таццяна Бранцэвіч абмеркавала перспектывы паглыблення супрацоўніцтва з прадпрыемствамі горада. Намеснік кіраўніка эканамічнага ведамства выказала гатоўнасць аказаць садзейнічанне ва ўстанаўленні дзелавых кантактаў і звярнулася з просьбай інфармаваць аб правядзенні тэндараў па закупках тэхнікі і матэрыялаў для арганізацый і прадпрыемстваў Уладзіміра. Беларускія вытворцы гатовы ў іх удзельнічаць. Напрыклад, айчынныя вытворцы ліфтаў зацікаўлены ў пастаўках сваёй прадукцыі.
З кіраўніком адміністрацыі Петушынскага раёна Уладзімірскай вобласці Аляксандрам Курбатавым намеснік міністра эканомікі абмеркавала перспектывы рэалізацыі праекта па будаўніцтве водазабору ў пасёлку Гарадзішчы гэтага раёна, а таксама напрамкі супрацоўніцтва беларускіх прадпрыемстваў з рэгіёнам.
З намеснікам кіраўніка АТ "Генерыум" Дзмітрыем Кудлаем абмеркаваны планы па стварэнні сумеснага прадпрыемства на тэрыторыі Беларусі.-0-
Намеснік кіраўніка эканамічнага ведамства азнаёмілася з экспазіцыяй расійскага рэгіёна і правяла серыю перагавораў на палях мерапрыемства.
На сустрэчы Таццяны Бранцэвіч з губернатарам Уладзімірскай вобласці Аляксандрам Аўдзеевым і яго першым намеснікам Аляксандрам Рамігам абмяркоўваліся пытанні рэалізацыі пагаднення паміж урадам Беларусі і адміністрацыяй Уладзімірскай вобласці аб гандлёва-эканамічным, навукова-тэхнічным і сацыяльна-культурным супрацоўніцтве на 2024-2027 гады.
Намеснік міністра эканомікі адзначыла, што беларускі бок нацэлены выканаць свае абавязацельствы ў поўным аб'ёме. Таксама ў час сустрэч закраналіся пытанні падрыхтоўкі візіту беларускай дэлегацыі пад кіраўніцтвам міністра эканомікі Беларусі ва Уладзімірскую вобласць.
З мэрам Уладзіміра Дзмітрыем Навумавым Таццяна Бранцэвіч абмеркавала перспектывы паглыблення супрацоўніцтва з прадпрыемствамі горада. Намеснік кіраўніка эканамічнага ведамства выказала гатоўнасць аказаць садзейнічанне ва ўстанаўленні дзелавых кантактаў і звярнулася з просьбай інфармаваць аб правядзенні тэндараў па закупках тэхнікі і матэрыялаў для арганізацый і прадпрыемстваў Уладзіміра. Беларускія вытворцы гатовы ў іх удзельнічаць. Напрыклад, айчынныя вытворцы ліфтаў зацікаўлены ў пастаўках сваёй прадукцыі.
З кіраўніком адміністрацыі Петушынскага раёна Уладзімірскай вобласці Аляксандрам Курбатавым намеснік міністра эканомікі абмеркавала перспектывы рэалізацыі праекта па будаўніцтве водазабору ў пасёлку Гарадзішчы гэтага раёна, а таксама напрамкі супрацоўніцтва беларускіх прадпрыемстваў з рэгіёнам.
З намеснікам кіраўніка АТ "Генерыум" Дзмітрыем Кудлаем абмеркаваны планы па стварэнні сумеснага прадпрыемства на тэрыторыі Беларусі.-0-
