Фота з архіва
3 студзеня, Мінск /Кар. БЕЛТА/. Аб'ём вытворчасці BKM Holding у 2023 годзе ў параўнанні з папярэднім годам павялічыўся больш як на 40 працэнтаў. Аб выніках работы расказалі ў холдынгу, паведамляе БЕЛТА.
"Калектыў прадпрыемства рэалізаваў знакавыя праекты па пастаўцы тралейбусаў у такія рэгіёны, як Боснія і Герцагавіна - Сараева, Расійская Федэрацыя - Санкт-Пецярбург, Краснадар, Мурманск. Да юбілею Екацярынбурга на лініі выйшлі тралейбусы з аўтаномным ходам, і рэалізацыя праекта прадаўжаецца", – расказалі ў холдынгу.
Завяршылася пастаўка электробусаў у Краснаярск. Пасля паспяховай доследнай эксплуатацыі сучленены электробус перададзены Санкт-Пецярбургу. Пачаліся пастаўкі машынакамплектаў электробусаў "МіНіН" для Ніжняга Ноўгарада на сумесную вытворчасць, адбылася прэзентацыя мадэлі.
Таксама BKM Holding пераадолеў мяжу 400 вырабленых трамваяў за ўсю гісторыю прадпрыемства. Партыю нізкападлогавай тэхнікі атрымаў Барнаул. Выраблены першы трамвай для Краснадара. Прадаўжаюцца пастаўкі ў Самару і выкананне буйнога кантракта для Ніжняга Ноўгарада – першыя "МіНіНы" выйшлі на лініі яшчэ ў пачатку 2023 года.
Для мадэрнізацыі трамвайных вагонаў у рэгіёнах Расіі і іншых краінах запушчана распрацоўка новай мадэлі Т701. Вядуцца канструктарскія работы па стварэнні стапрацэнтна нізкападлогавага трамвайнага трохсекцыйнага вагона мадэлі Т856 павышанай пасажыраўмяшчальнасці.
Электрагрузавік прайшоў доследную эксплуатацыю ў Беларусі. Падпісаны сумесныя мерапрыемствы з расійскай кампаніяй па стварэнні грузавіка на вадародным паліве.
BKM Holding прыняў удзел у выстаўках "ІНАПРАМ. Екацярынбург", "ІНАПРАМ. Казахстан", Busworld Central Asia, Ecology Expo, TIBO, SpbTransportFest, дзе прэзентаваў інавацыйную прадукцыю – сучленены электробус з запасам ходу да 240 км, нізкападлогавы трамвай з цялежкамі ўласнай распрацоўкі і электрагрузавік. На выстаўцы "Еўразія – наш дом" упершыню прэзентаваны "Еўразійскі электробус" і кампаненты ўласнай вытворчасці холдынга, лакалізацыя ў краінах ЕАЭС склала больш за 80 працэнтаў.-0-
"Калектыў прадпрыемства рэалізаваў знакавыя праекты па пастаўцы тралейбусаў у такія рэгіёны, як Боснія і Герцагавіна - Сараева, Расійская Федэрацыя - Санкт-Пецярбург, Краснадар, Мурманск. Да юбілею Екацярынбурга на лініі выйшлі тралейбусы з аўтаномным ходам, і рэалізацыя праекта прадаўжаецца", – расказалі ў холдынгу.
Завяршылася пастаўка электробусаў у Краснаярск. Пасля паспяховай доследнай эксплуатацыі сучленены электробус перададзены Санкт-Пецярбургу. Пачаліся пастаўкі машынакамплектаў электробусаў "МіНіН" для Ніжняга Ноўгарада на сумесную вытворчасць, адбылася прэзентацыя мадэлі.
Таксама BKM Holding пераадолеў мяжу 400 вырабленых трамваяў за ўсю гісторыю прадпрыемства. Партыю нізкападлогавай тэхнікі атрымаў Барнаул. Выраблены першы трамвай для Краснадара. Прадаўжаюцца пастаўкі ў Самару і выкананне буйнога кантракта для Ніжняга Ноўгарада – першыя "МіНіНы" выйшлі на лініі яшчэ ў пачатку 2023 года.
Для мадэрнізацыі трамвайных вагонаў у рэгіёнах Расіі і іншых краінах запушчана распрацоўка новай мадэлі Т701. Вядуцца канструктарскія работы па стварэнні стапрацэнтна нізкападлогавага трамвайнага трохсекцыйнага вагона мадэлі Т856 павышанай пасажыраўмяшчальнасці.
Электрагрузавік прайшоў доследную эксплуатацыю ў Беларусі. Падпісаны сумесныя мерапрыемствы з расійскай кампаніяй па стварэнні грузавіка на вадародным паліве.
BKM Holding прыняў удзел у выстаўках "ІНАПРАМ. Екацярынбург", "ІНАПРАМ. Казахстан", Busworld Central Asia, Ecology Expo, TIBO, SpbTransportFest, дзе прэзентаваў інавацыйную прадукцыю – сучленены электробус з запасам ходу да 240 км, нізкападлогавы трамвай з цялежкамі ўласнай распрацоўкі і электрагрузавік. На выстаўцы "Еўразія – наш дом" упершыню прэзентаваны "Еўразійскі электробус" і кампаненты ўласнай вытворчасці холдынга, лакалізацыя ў краінах ЕАЭС склала больш за 80 працэнтаў.-0-
