9 студзеня, Мінск /Кар. БЕЛТА/. Беларусы ў 2018 годзе прадалі валюты на $1,1 млрд у эквіваленце больш, чым купілі. Аб гэтым сведчаць статыстычныя даныя Нацыянальнага банка, паведамляе БЕЛТА.
У 2018 годзе фізічныя асобы прадалі наяўнай і безнаяўнай валюты на $9,089 млрд у эквіваленце, купілі $7,974 млрд. Чысты продаж замежнай валюты фізічнымі асобамі склаў амаль $1,115 млрд.
Суб'екты гаспадарання - рэзідэнты Беларусі прадалі замежнай валюты на $20,040 млрд у эквіваленце, купілі $20,712 млрд.
Нерэзідэнты Беларусі за 2018 год прадалі валюты на $618,3 млн у эквіваленце, купілі $124,6 млн.-0-
