Мабільная версія
ДЗЯРЖОРГАНЫ
Апошнія навіны
Усе навіны

"Беларуснафта" не чакае дэфіцыту нафтапрадуктаў у выпадку абмежавання паставак з Расіі

Эканоміка 20.09.2018 | 15:31
Фота з архіва
Фота з архіва

20 верасня, Мінск /Кар. БЕЛТА/. "Беларуснафта" не чакае дэфіцыту нафтапрадуктаў у Беларусі ў выпадку абмежавання іх паставак з Расіі, паведаміў сёння намеснік генеральнага дырэктара "Беларуснафты" Сяргей Каморнікаў на міжнароднай канферэнцыі "Рынак нафтапрадуктаў і газу Беларусі: вытворчасць, трэйдынг, розніца", перадае карэспандэнт БЕЛТА.

"Дэфіцыту нафтапрадуктаў мы не чакаем. Унутраны рынак працаваў і будзе працаваць стабільна ў любых умовах", - заявіў Сяргей Каморнікаў. Ён нагадаў, што асноўная задача канцэрна "Белнафтахім" - забяспечыць стабільнасць работы ўнутранага рынку, як рознічнага, так і аптовага сегмента, прамысловых прадпрыемстваў, якія з'яўляюцца вялікімі спажыўцамі нафтапрадуктаў.

Пры гэтым ён звярнуў увагу, што "Беларуснафта" ніколі не гандлявала імпартнымі нафтапрадуктамі. "Усе нафтапрадукты, якія прадаюцца ў нашай сетцы, з'яўляюцца прадукцыяй беларускай вытворчасці - Мазырскага НПЗ або "Нафтана", - сказаў ён.

"Магу стапрацэнтна гарантаваць, што на нашу сетку ("Беларуснафта". - Заўвага БЕЛТА) гэта не паўплывае. Структура паставак такая, што і расійскія аператары АЗС - кампаніі "Лукойл", "Газпрамнафта", "Татнафта" большую частку нафтапрадуктаў прадаюць беларускай вытворчасці. Яны маюць кантракты з нашымі перапрацоўчымі заводамі", - дадаў Сяргей Каморнікаў.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.