15 лютага, Мінск /Кар. БЕЛТА/. Беларускі экспарт у Латвію ў 2018 годзе павялічыўся на 38,8 працэнта да $485,6 млн. Аб гэтым паведаміў карэспандэнту БЕЛТА Надзвычайны і Паўнамоцны Пасол Беларусі ў Латвіі Васіль Марковіч.
Як адзначыў кіраўнік дыппрадстаўніцтва, Беларусь пастаўляе ў Латвію ў асноўным прадукцыю лясной і дрэваапрацоўчай прамысловасці, нафтапрадукты, нафтахімію, металавырабы, угнаенні, ізаляваныя правады і кабелі, будаўнічыя матэрыялы і моцныя спіртныя напіткі. "У цэлым экспарт беларускай прадукцыі на латвійскі рынак ажыццяўляецца па 440 таварных групах. А Латвія ў сваю чаргу пастаўляе на беларускі рынак у асноўным лекавыя сродкі, рознае абсталяванне, харчовую прадукцыю, адзенне і тканіны", - дадаў Васіль Марковіч.
Дыпламат звярнуў увагу, што латвійскія спажыўцы вельмі добра ведаюць брэнды беларускіх вытворцаў. Сярод іх трактары "Беларус", цукеркі "Каммунарка" і "Спартак", касметыка "Беліта-Вітэкс", адзенне і трыкатажныя вырабы фабрыкі "Світанак", абутак "Марко" і "Белвест". Акрамя таго, латвійскія кампаніі актыўна выкарыстоўваюць электронную пляцоўку Беларускай універсальнай таварнай біржы для закупак беларускіх лесаматэрыялаў, металавырабаў, сельгаспрадукцыі і іншых тавараў. Кліенцкая база акрэдытаванага ў Латвіі прадстаўніцтва біржы ўключае больш за 350 кампаній, падкрэсліў пасол.
Тавараабарот паміж Беларуссю і Латвіяй у мінулым быў $582,7 млн, што складае 132,9 працэнта да ўзроўню 2017 года, а імпарт латвійскай прадукцыі павялічыўся за гэты перыяд амаль на 10 працэнтаў да $97,1 млн.-0-
