.
ДЗЯРЖОРГАНЫДЗЯРЖОРГАНЫ
Серада, 3 сакавіка 2021
Мінск Суцэльная воблачнасць 0°C
Усе навіны
Усе навіны
Эканоміка
21 студзеня 2021, 11:08

"Беларуськалій" заявіў аб гатоўнасці прадаўжаць работу з нарвежскай Yara

Фота з архіва
Фота з архіва

21 студзеня, Мінск /Кар. БЕЛТА/. ААТ "Беларуськалій" заявіла аб гатоўнасці прадаўжаць работу з нарвежскай кампаніяй Yara, паведамляе БЕЛТА са спасылкай на сайт беларускага прадпрыемства.

"Па выніках рэгулярнага дыялогу заяўляем аб сваёй гатоўнасці ўзаемадзейнічаць з кампаніяй Yara на доўгатэрміновай аснове ў галіне прамысловай бяспекі. ААТ "Беларуськалій" гатова прыняць спецыялістаў кампаніі Yara для маніторынгу вытворчых працэсаў", - адзначаецца ў паведамленні прадпрыемства.

"Беларуськалій" падкрэслівае, што знаходзіцца ў пастаянным кантакце з нарвежскім партнёрам і прадоўжыць у далейшым супрацоўніцтва з кампаніяй Yara ў пытаннях ажыццяўлення бяспекі ўмоў працы, паляпшэння здароўя і павышэння сацыяльнага ўзроўню сваіх работнікаў.

Кіраўніцтва "Беларуськалія" нагадала аб зняцці дысцыплінарных спагнанняў з работнікаў прадпрыемства, звольненыя раней могуць быць прыняты назад у выпадку падачы імі адпаведных заяў.

Акрамя таго, плануецца ўдасканаліць Палажэнне па рабоце грамадскіх інспектараў для павышэння эфектыўнасці грамадскага кантролю за бяспекай вытворчасці.

Нарвежская кампанія Yara - адзін з ключавых пакупнікоў прадукцыі "Беларуськалія".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі