ДЗЯРЖОРГАНЫДЗЯРЖОРГАНЫ
Панядзелак, 20 студзеня 2020
Мінск Суцэльная воблачнасць +1°C
Усе навіны
Усе навіны
Эканоміка
22 кастрычніка 2019, 15:07

Беларусь стала адным з лідараў па экспарце софта - Румас

Сяргей Румас
Сяргей Румас

22 кастрычніка, Масква /Эдуард Півавар - БЕЛТА/. Беларусь па экспарце софта на душу насельніцтва стала адным з лідараў краін Усходняй Еўропы і СНД. Аб гэтым заявіў прэм'ер-міністр Беларусі Сяргей Румас, выступаючы сёння ў Маскве ў інавацыйным цэнтры "Сколкава" на міжнародным форуме "Адкрытыя інавацыі", перадае карэспандэнт БЕЛТА.

Сяргей Румас нагадаў, што беларускі Парк высокіх тэхналогій атрымаў магутны імпульс да развіцця літаральна два гады таму, калі ў 2017 годзе кіраўнік дзяржавы Аляксандр Лукашэнка падпісаў дэкрэт аб лічбавай эканоміцы. "Мы вырашылі стварыць спрыяльны рэжым для творчасці і інавацый, ліквідаваць у нашым парку любы бюракратызм, - сказаў прэм'ер-міністр. - Рэзідэнтам парка дазволена весці бізнес і заключаць здзелкі ў Беларусі так, як яны прывыклі гэта рабіць у лепшых юрысдыкцыях свету. Яго рэзідэнтам далі падатковыя льготы і пазбавілі парк ад умяшання кантрольных і наглядных органаў".

Вынікі дзеяння гэтага дэкрэта не прымусілі сябе доўга чакаць. "І экспарт, і агульная выручка парка растуць на 30-40 працэнтаў у год, - паведаміў Сяргей Румас. - У бягучым годзе экспарт чакаецца ў памеры $2 млрд, што з'яўляецца немаленькай сумай для такой невялікай краіны, як Беларусь. Па экспарце софта на душу насельніцтва Беларусь стала адным з лідараў Усходняй Еўропы і СНД".

У разы павялічыліся і даходы бюджэту краіны ад дзейнасці Парка высокіх тэхналогій. Паводле слоў Сяргея Румаса, нават нягледзячы на дзеючыя льготныя падатковыя стаўкі, сярэдні беларускі айцішнік плаціць у бюджэт у тры разы больш, чым сярэдні заняты ў эканоміцы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі