5 лютага, Мінск /Кар. БЕЛТА/. Беларусь справядліва чакае стабілізацыі падыходаў ад расійскіх пастаўшчыкоў нафты і газу. Аб гэтым сёння журналістам заявіў намеснік прэм'ер-міністра Ігар Ляшэнка, перадае карэспандэнт БЕЛТА.
Ігар Ляшэнка праінфармаваў, што ў канцы тыдня пройдуць перагаворы па пастаўках і фарміраванні цэн на нафту і газ. На гэтым па-ранейшаму застаецца асноўны фокус увагі беларускага боку.
"Мы справядліва чакаем стабілізацыі падыходаў ад нашых пастаўшчыкоў з Расійскай Федэрацыі", - падкрэсліў ён.
Як паведамлялася, урады Беларусі і РФ мелі намер у бліжэйшы час абмеркаваць усе нявырашаныя пытанні, у тым ліку ў энергетыцы.
Напярэдадні ў час наведвання Добрушскай папяровай фабрыкі "Герой працы" Прэзідэнт Беларусі Аляксандр Лукашэнка заявіў, што 7 лютага плануе сустрэцца з Прэзідэнтам Расіі Уладзімірам Пуціным.-0-
