18 студзеня, Мінск /Кар. БЕЛТА/. Беларусь пашырыла калібровачныя і вымяральныя магчымасці (СМС-радкі) у галіне даўжыні, паведамілі БЕЛТА ў прэс-службе Дзяржстандарту.
"Па выніках дадатковых параўнанняў у рамках дзейнасці Еўра-Азіяцкага супрацоўніцтва дзяржаўных метралагічных устаноў (СООМЕТ) Беларускі дзяржаўны інстытут метралогіі (БелДІМ) пацвердзіў калібровачныя і вымяральныя магчымасці ў галіне вымярэнняў параметраў эвальвентных зубчастых колаў. Параўнанні праводзіліся на нацыянальным эталоне адзінкі даўжыні", - расказалі ў прэс-службе.
У выніку ў базу даных KCDB Міжнароднага бюро мер і вагаў (BIPM) унесена 8 новых СМС-радкоў.
Такім чынам, на сёння ў гэтай міжнароднай базе апублікавана 289 СМС-радкоў аб найлепшых калібровачных і вымяральных магчымасцях Нацыянальнага метралагічнага інстытута (БелДІМ) у такіх галінах вымярэнняў, як даўжыня, час і частата, электрычнасць і магнетызм, акустыка, тэрмаметрыя, маса, хімія і інш.-0-
