7 чэрвеня, Мінск /Кар. БЕЛТА/. Беларусь пашырае супрацоўніцтва ў аграрнай сферы з Азербайджанам і Таджыкістанам. Аб гэтым паведаміў міністр сельскай гаспадаркі і харчавання Беларусі Іван Крупко ў інтэрв'ю праграме "Контуры" на тэлеканале АНТ, паведамляе БЕЛТА.
"Мінулы год быў няпростым з-за пандэміі, але мы справіліся, вытрымалі свае пастаўкі, зарэкамендавалі сябе перад пастаўшчыкамі. Сёння ў нас ёсць новыя кантракты, і яны павялічваюцца. Напрыклад, прадстаўнікоў Азербайджана зацікавіла аднаўленне і развіццё нашых сельскіх тэрыторый, вытворчасцей, стварэнне сацыяльнага асяроддзя, будаўніцтва сацыяльных аб'ектаў у аграгарадках. Думаю, нас чакае доўгае і плённае супрацоўніцтва, - сказаў Іван Крупко. - У Таджыкістане створана сумесная вытворчасць - зборка беларускіх трактароў і камбайнаў "Гомсельмаша". Нядаўна нас наведала рабочая група з гэтай краіны, у планах - пашырыць лінейку зборкі і іншай беларускай тэхнікі".
У прыватнасці, міністр на мінулым тыдні сустрэўся з намеснікам міністра сельскай гаспадаркі Таджыкістана Зеварша Зеваршоевым. У ходзе сустрэчы былі абмеркаваны пытанні пашырэння супрацоўніцтва ў сферы племянной жывёлагадоўлі, раслінаводства, навукі і адукацыі. Беларусь зацікаўлена ў далейшым пашырэнні ўзаемавыгаднага гандлю сельгаспрадукцыяй і прадуктамі харчавання, нарошчванні аб'ёмаў узаемных паставак, актывізацыі супрацоўніцтва ў галіне племянной жывёлагадоўлі і сферы аграрнай адукацыі.
Іван Крупко таксама расказаў аб праведзенай міжнароднай спецыялізаванай выстаўцы "Белагра-2021". Паводле яго слоў, у мерапрыемстве прынялі ўдзел 410 кампаній з 16 краін свету. Выстаўку наведалі больш за 32 тыс. чалавек.-0-
