24 снежня, Мінск /Кар. БЕЛТА/. Беларусь можа зарабіць на экспарце турыстычных паслуг па выніках 2019 года каля $250 млн, паведаміў намеснік дырэктара - начальнік аддзела планавання і арганізацыі турысцкай дзейнасці дэпартамента па турызме Міністэрства спорту і турызму Віталь Грыцэвіч сёння ў прэс-цэнтры БЕЛТА.
"Экспарт турыстычных паслуг за студзень-кастрычнік склаў $218,8 млн, тэмп росту - амаль 115 працэнтаў. Мы прагназуем, што да канца года экспарт будзе каля $250 млн, тэндэнцыі сведчаць аб тым, што дасягнём такую лічбу, - адзначыў Віталь Грыцэвіч. - Наша заданне на гэты год было $240 млн".
Паводле даных Дзяржпагранкамітэта, за студзень-лістапад у Беларусь уехала каля 4,5 млн чалавек. "Думаю, да канца года мы наблізімся да 5-мільённага рубяжа. Пасля даліку беларуска-расійскага ўчастка граніцы агульная лічба ў мінулым годзе склала 11,5 млн чалавек. Лічбы Дзяржпагранкамітэта сведчаць аб тым, што гэты паказчык у 2019 годзе павялічыцца", - дадаў прадстаўнік Мінспорту.
Наконт тэмы бязвізавага рэжыму Віталь Грыцэвіч адзначыў, што Міністэрства спорту і турызму падтрымлівае распаўсюджванне бязвізавага рэжыму на ўсе міжнародныя пункты пропуску, у тым ліку наземныя.-0-
