25 мая, Ісламабад /Таццяна Паляжай - БЕЛТА/. Беларусь і Пакістан у першы дзень работы дэлегацыі беларускіх дзелавых колаў у Ісламабадзе заключылі кантракты на $42 млн, перадае карэспандэнт БЕЛТА.
Сёння ў пакістанскай сталіцы праходзіць пакістана-беларускі дзелавы і інвестыцыйны форум. З боку Беларусі ў ім удзельнічаюць прадстаўнікі 25 кампаній, якія працуюць у галіне нафтаперапрацоўкі, сельскай гаспадаркі, машынабудавання, медыцыны, хімічнай, лёгкай прамысловасці, а таксама гандлёвых прадпрыемстваў. З пакістанскага боку на форуме прысутнічаюць 60 кампаній.
Як адзначыў у размове з журналістамі старшыня Беларускай гандлёва-прамысловай палаты Міхаіл Мятлікаў, маючы адбыцца візіт Прэзідэнта Беларусі ў Пакістан ужо дае штуршок развіццю двухбаковых адносін, што відаць па падпісаных дакументах. "Мы хацелі прывезці бізнес, пазнаёміць з партнёрамі Пакістана многія беларускія кампаніі, якія прысутнічаюць тут упершыню", - сказаў Міхаіл Мятлікаў.
На працягу апошніх васьмі гадоў аб'ём гандлю Беларусі з Пакістанам вагаўся ў межах $50-120 млн у год. Пакістан з'яўляецца адным з ключавых рынкаў збыту беларускіх трактароў па-за СНД. Штогадовыя пастаўкі гэтай тэхнікі сюды складаюць 3-4 тыс. адзінак.
Міхаіл Мятлікаў выказаў упэўненасць, што наменклатура паставак машынабудаўнічай прадукцыі ў Пакістан будзе пашырана, паколькі ў Ісламабад прыбылі кіраўнікі прадпрыемстваў, якія выпускаюць увесь спектр навяснога абсталявання для трактароў, а таксама сельгастэхніку, якая можа быць запатрабавана на мясцовым рынку.
Асноўнымі артыкуламі беларускага экспарту ў Пакістан акрамя трактароў з'яўляюцца калійныя ўгнаенні, сінтэтычныя валокны, шыны. З Пакістана ў Беларусь пастаўляюцца рыс, фрукты, прадукты харчавання, вырабы са скуры і тканіны, тэкстыль.
Перагаворы паміж прадстаўнікамі бізнесу Беларусі і Пакістана прадоўжацца 26 мая на пляцоўцы гандлёва-прамысловай палаты. "І заўтра мы будзем чакаць новых вынікаў", - сказаў Міхаіл Мятлікаў.
Сёння ў пакістанскай сталіцы праходзіць пакістана-беларускі дзелавы і інвестыцыйны форум. З боку Беларусі ў ім удзельнічаюць прадстаўнікі 25 кампаній, якія працуюць у галіне нафтаперапрацоўкі, сельскай гаспадаркі, машынабудавання, медыцыны, хімічнай, лёгкай прамысловасці, а таксама гандлёвых прадпрыемстваў. З пакістанскага боку на форуме прысутнічаюць 60 кампаній.
Як адзначыў у размове з журналістамі старшыня Беларускай гандлёва-прамысловай палаты Міхаіл Мятлікаў, маючы адбыцца візіт Прэзідэнта Беларусі ў Пакістан ужо дае штуршок развіццю двухбаковых адносін, што відаць па падпісаных дакументах. "Мы хацелі прывезці бізнес, пазнаёміць з партнёрамі Пакістана многія беларускія кампаніі, якія прысутнічаюць тут упершыню", - сказаў Міхаіл Мятлікаў.
На працягу апошніх васьмі гадоў аб'ём гандлю Беларусі з Пакістанам вагаўся ў межах $50-120 млн у год. Пакістан з'яўляецца адным з ключавых рынкаў збыту беларускіх трактароў па-за СНД. Штогадовыя пастаўкі гэтай тэхнікі сюды складаюць 3-4 тыс. адзінак.
Міхаіл Мятлікаў выказаў упэўненасць, што наменклатура паставак машынабудаўнічай прадукцыі ў Пакістан будзе пашырана, паколькі ў Ісламабад прыбылі кіраўнікі прадпрыемстваў, якія выпускаюць увесь спектр навяснога абсталявання для трактароў, а таксама сельгастэхніку, якая можа быць запатрабавана на мясцовым рынку.
Асноўнымі артыкуламі беларускага экспарту ў Пакістан акрамя трактароў з'яўляюцца калійныя ўгнаенні, сінтэтычныя валокны, шыны. З Пакістана ў Беларусь пастаўляюцца рыс, фрукты, прадукты харчавання, вырабы са скуры і тканіны, тэкстыль.
Перагаворы паміж прадстаўнікамі бізнесу Беларусі і Пакістана прадоўжацца 26 мая на пляцоўцы гандлёва-прамысловай палаты. "І заўтра мы будзем чакаць новых вынікаў", - сказаў Міхаіл Мятлікаў.
Падпісвайцеся на нас у
