ДЗЯРЖОРГАНЫДЗЯРЖОРГАНЫ
Чацвер, 6 жніўня 2020
Мінск Ясна +19°C
Усе навіны
Усе навіны
Эканоміка
08 ліпеня 2020, 15:31

Беларусь і Арэнбургская вобласць зацікаўлены ў развіцці супрацоўніцтва

Фота з архіва
Фота з архіва

8 ліпеня, Мінск /Кар. БЕЛТА/. Беларусь і Арэнбургская вобласць (Расія) зацікаўлены ў развіцці супрацоўніцтва. Аб гэтым карэспандэнту БЕЛТА паведамілі ў прэс-службе канцэрна "Беллегпрам" па выніках пасяджэння сумеснай рабочай групы па супрацоўніцтве Беларусі і Арэнбургскай вобласці, якое прайшло ў рэжыме відэаканферэнцыі.

Удзельнікі сустрэчы прааналізавалі вынікі гандлёва-эканамічнага супрацоўніцтва ў 2019 годзе і ў студзені-красавіку гэтага года, ход выканання плана мерапрыемстваў на 2018-2020 гады па рэалізацыі пагаднення паміж урадамі Беларусі і Арэнбургскай вобласці аб гандлёва-эканамічным, навукова-тэхнічным і культурным супрацоўніцтве. Таксама бакі абмеркавалі актуальныя пытанні ўзаемадзеяння ў галіне сельскай гаспадаркі, прамысловасці, будаўніцтва і рэалізацыі сумесных праектаў.

Кіраўнік "Беллегпрама" Таццяна Лугіна адзначыла, што Арэнбуржжа для Беларусі - адзін з прыярытэтных партнёраў на тэрыторыі Расіі. Яна выказала ўпэўненасць, што зняцце абмежаванняў, выкліканых пандэміяй, дасць магчымасць актывізаваць супрацоўніцтва па ўсіх напрамках і да канца бягучага года, які з'яўляецца падагульняючым у падпісаным плане па ўзаемадзеянні бакоў, падысці з дастойнымі вынікамі.

Першы віцэ-губернатар - першы намеснік старшыні ўрада Арэнбургскай вобласці - міністр сельскай гаспадаркі, гандлю, харчовай і перапрацоўчай прамысловасці вобласці Сяргей Балыкін падкрэсліў: "Беларусь і Арэнбургская вобласць - надзейныя стратэгічныя партнёры, якія ўзаемадзейнічаюць па ўсіх напрамках эканамічнага развіцця і пастаянна шукаюць новыя вектары супрацоўніцтва".

Расійскія партнёры адзначылі, што сельскагаспадарчая тэхніка МТЗ, дарожныя і камунальныя машыны МАЗа і "Амкадора", прадукцыя прадпрыемстваў "Беллегпрама", беларуская касметыка нязменна карыстаюцца попытам. Урад Арэнбургскай вобласці прапанаваў стварыць на пляцоўцы існуючага ў рэгіёне Цэнтра падтрымкі экспарту віртуальны шоўрум, дзе будзе прадстаўлена прадукцыя беларускіх вытворцаў.

Удзельнікі сустрэчы выказалі гатоўнасць паглыбіць супрацоўніцтва ў сферы адукацыі, а беларускі бок - падзяліцца напрацоўкамі ў частцы жывёлагадоўлі і раслінаводства, будаўніцтва сельскагаспадарчых аб'ектаў.

Намеснік міністра прамысловасці Беларусі Дзмітрый Харытончык адзначыў, што ёсць магчымасці для пашырэння паставак пасажырскай тэхнікі ў Арэнбуржжа, і расказаў аб тым, што цяпер праходзіць выпрабаванні новы электробус вытворчасці МАЗ. Да канца года расійскія партнёры змогуць атрымаць камерцыйную прапанову па пастаўках гэтага транспартнага сродку.

На завяршэнне відэаканферэнцыі Таццяна Лугіна высока ацаніла штогадовы міжнародны форум "Арэнбуржжа - сэрца Еўразіі", падзякавала расійскім партнёрам за актыўную пазіцыю ва ўзаемадзеянні і запрасіла іх прыняць удзел у VII Форуме рэгіёнаў Беларусі і Расіі, які пройдзе ў верасні ў Мінску і Мінскай вобласці.

З беларускага боку ў пасяджэнні прынялі ўдзел сустаршыня сумеснай рабочай групы, старшыня канцэрна "Беллегпрам" Таццяна Лугіна, кіраўнік аддзялення пасольства Беларусі ва Уфе Пётр Балтруковіч, намеснік міністра прамысловасці Дзмітрый Харытончык, намеснік міністра сельскай гаспадаркі і харчавання Ала Ламакіна, намеснік міністра архітэктуры і будаўніцтва Алег Швец, кіраўніцтва беларускай цэментнай кампаніі, МАЗ, МТЗ, "Магілёўліфтмаша" і "Гомсельмаша".

Расійскі бок прадстаўлялі першы віцэ-губернатар - першы намеснік старшыні ўрада Арэнбургскай вобласці - міністр сельскай гаспадаркі, гандлю, харчовай і перапрацоўчай прамысловасці вобласці Сяргей Балыкін, першы намеснік міністра эканамічнага развіцця, інвестыцый, турызму і знешніх сувязей гэтай вобласці Наталля Струнцова, намеснік міністра прамысловасці і энергетыкі Арэнбургскай вобласці Дзмітрый Кулакоў, прадстаўнікі Міністэрства будаўніцтва, жыллёва-камунальнай, дарожнай гаспадаркі і транспарту гэтага рэгіёна, Арэнбургскага дзяржаўнага аграрнага ўніверсітэта, а таксама АТ "Арэнбургскія мінералы".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі