Мабільная версія
ДЗЯРЖОРГАНЫ
Апошнія навіны
Усе навіны

Беларусь абмежавала ўвоз птушкі з рэгіёна Бельгіі з-за хваробы Ньюкасла

Эканоміка 18.09.2018 | 14:24
Фота з архіва
Фота з архіва

18 верасня, Мінск /Кар. БЕЛТА/. Беларусь абмежавала ўвоз птушкі з рэгіёна Заходняя Фландрыя (Бельгія) з-за хваробы Ньюкасла. Такая інфармацыя размешчана на сайце Дэпартамента ветэрынарнага і харчовага нагляду Мінсельгасхарча, паведамляе БЕЛТА.

Паводле інфармацыі Міжнароднага эпізаатычнага бюро, на тэрыторыі рэгіёна Заходняя Фландрыя зарэгістраваны выпадак захворвання ўспрымальных відаў жывёл на хваробу Ньюкасла.

У сувязі з гэтым уведзены часовыя абмежаванні на ўвоз у Беларусь з гэтага рэгіёна Бельгіі жывой птушкі, інкубацыйнага і харчовага яйка, мяса птушкі, усіх відаў птушкагадоўчай прадукцыі і прадуктаў яе перапрацоўкі, пуху і пер'я, кармоў і кармавых дабавак жывёльнага паходжання (за выключэннем кармавых дабавак для катоў і сабак, а таксама гатовых кармоў для катоў і сабак, што прайшлі тэрмічную апрацоўку), у тым ліку з птушкі. Усе раней выдадзеныя дазволы на ўвоз у Беларусь з рэгіёна Заходняя Фландрыя названых тавараў адмяняюцца.

У дэпартаменце Мінсельгасхарча інфармуюць аб неабходнасці прыняць дадатковыя меры кантролю па забеспячэнні біялагічнай аховы буйных птушкагадоўчых комплексаў, птушкагадоўчых ферм і гаспадарак усіх форм уласнасці.

Хвароба Ньюкасла (псеўдачума птушак, азіяцкая чума птушак) - высокакантагіёзная вірусная хвароба, галоўным чынам курыных, якая характарызуецца пнеўманіяй, энцэфалітам і пашкоджаннямі ўнутраных органаў. Пры вострым стане хваробы Ньюкасла лятальнасць сярод маладняку дасягае 100 працэнтаў. Кураняты, якія перахварэлі, дрэнна растуць. На хваробу Ньюкасла можа захварэць і чалавек.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.