ДЗЯРЖОРГАНЫДЗЯРЖОРГАНЫ
Аўторак, 4 жніўня 2020
Мінск Малавоблачна +27°C
Усе навіны
Усе навіны
Эканоміка
30 ліпеня 2020, 19:23

Банкі ў 2020 годзе рэструктурызавалі завінавачанасць па крэдытах і аблігацыях на больш як Br1,3 млрд

Сяргей Калечыц. Фота з архіва
Сяргей Калечыц. Фота з архіва

30 ліпеня, Мінск /Кар. БЕЛТА/. Банкі і Банк развіцця ў 2020 годзе рэструктурызавалі завінавачанасць па крэдытах і аблігацыях на больш як Br1,3 млрд. Аб гэтым расказаў намеснік старшыні праўлення Нацыянальнага банка Сяргей Калечыц у інтэрв'ю газеце "Рэспубліка", паведамляе БЕЛТА.

"Нацыянальны банк рэалізаваў комплекс мер рэагавання, накіраваных у першую чаргу на павышэнне магчымасцей банкаў па крэдытаванні і аптымізацыю крэдытнай нагрузкі на насельніцтва і прадпрыемствы. Прымаючы пакет мер, Нацбанк выкарыстоўваў неэмісійныя інструменты, арыентуючыся на стварэнне ўмоў для больш актыўнага крэдытавання банкаўскім сектарам эканомікі з улікам існуючага ў банкаў запасу фінансавай устойлівасці, накопленага ў мінулыя гады", - сказаў Сяргей Калечыц. Паводле яго слоў, пакет мер прудэнцыяльнага рэгулявання накіраваны на тое, каб банкі маглі не толькі больш гібка падыходзіць да крэдытавання эканомікі, але і былі зацікаўлены ў рэструктурызацыі завінавачанасці пры неабходнасці.

На гэты момант банкі прынялі 6837 рашэнняў аб змяненні ўмоў (аб рэструктурызацыі завінавачанасці) па крэдытных дагаворах. З іх 2837 - па крэдытных дагаворах юрыдычных асоб і індывідуальных прадпрымальнікаў, 4 тыс. - фізічных асоб. Усяго ў 2020 годзе банкамі і Банкам развіцця рэструктурызавана завінавачанасць па крэдытах і аблігацыях на суму, якая перавышае Br1,3 млрд.

Таксама яны рэструктурызавалі абавязацельствы суб'ектаў АПК у перыяд дзеяння ўказа ад 17 ліпеня 2014 года нумар 348 "Аб мерах па павышэнні эфектыўнасці работы арганізацый аграпрамысловага комплексу" на суму Br1,6 млрд, у тым ліку ў 2020 годзе - Br38 млн. Па асобных крэдытах тэрміны пагашэння прадоўжаны да 2035 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі