29 студзеня, Магілёў /Кар. БЕЛТА/. Мы павінны ганарыцца айчынным прадуктам. Такім меркаваннем з журналістамі падзяліўся міністр антыманапольнага рэгулявання і гандлю Аляксей Багданаў пасля сустрэчы з працоўным калектывам ААТ "Булачна-кандытарская кампанія "Дамачай" у Магілёве, перадае БЕЛТА.
Тэма якасці стала вядучай у сустрэчы міністра з актывам прадпрыемства. Аляксей Багданаў падкрэсліў, што яму прыемна прысутнічаць у калектыве, чыя работа асацыіруецца са словамі "якасная беларуская прадукцыя", і выказаў удзячнасць работнікам за іх старанную і нялёгкую працу. Міністр таксама адзначыў, што якасцю трэба займацца кожнаму, і перш за ўсё пачынаць з сябе, паляпшаючы падыходы ва ўсіх сферах - ад сям'і да працы. Менавіта такімі сумеснымі намаганнямі - ад прыватнага да агульнага - можна ўдасканальваць беларускае грамадства і павышаць якасць жыцця ў краіне.
Паводле слоў Аляксея Багданава, Год якасці ў краіне будзе праводзіцца пад эгідай папулярызацыі беларускіх тавараў, павелічэння іх долі на ўнутраным рынку. "Мы павінны ганарыцца сваім, айчынным прадуктам, - падкрэсліў ён. - І ў першую чаргу прадстаўляць шырокаму колу спажыўцоў менавіта тавары беларускай вытворчасці. А для гэтага трэба выканаць шэраг умоў, і ў першую чаргу вырабляць якасную прадукцыю ў неабходных аб'ёмах. Прычым трэба не толькі замяшчаць, але і апярэджваць нашых канкурэнтаў. Гэта датычыцца інавацыйнай прадукцыі, новых тавараў, паляпшэння ўласцівасцей і якасцей вырабленай прадукцыі".
Пасля сустрэчы з калектывам міністр азнаёміўся з вытворчасцю. Сёння булачна-кандытарская кампанія - гэта тры вытворчыя пляцоўкі ў Магілёве і адна - у Быхаве. Акрамя таго, у склад прадпрыемства ўваходзяць чатыры філіялы - Бабруйскі, Горацкі, Мсціслаўскі і Крычаўскі, уключаючы вытворчы ўчастак у Касцюковічах. Агульная колькасць работнікаў складае 1,36 тыс. Гандлёвая сетка ў рэгіёне прадстаўлена 44 аб'ектамі. Па выніках мінулага года тавараабарот склаў 105,2 працэнта да аналагічнага перыяду мінулага года.
Кампанія спецыялізуецца на выпуску хлебабулачных вырабаў, мучных ласункаў, пернікаў і пячэння, кандытарскіх вырабаў, хлебнага квасу і сухога снедання. На Горацкім філіяле таксама наладжана вытворчасць соладу, Крычаўскім - кардоннай тары, Мсціслаўскім - безалкагольных напіткаў. У ліку дапаможных - швейная вытворчасць спецадзення, аўтатранспартная база. У інфраструктуру таксама ўваходзіць аздараўленчы дзіцячы лагер, умяшчальнасцю ў летні перыяд да 1 тыс. чалавек.-0-
Тэма якасці стала вядучай у сустрэчы міністра з актывам прадпрыемства. Аляксей Багданаў падкрэсліў, што яму прыемна прысутнічаць у калектыве, чыя работа асацыіруецца са словамі "якасная беларуская прадукцыя", і выказаў удзячнасць работнікам за іх старанную і нялёгкую працу. Міністр таксама адзначыў, што якасцю трэба займацца кожнаму, і перш за ўсё пачынаць з сябе, паляпшаючы падыходы ва ўсіх сферах - ад сям'і да працы. Менавіта такімі сумеснымі намаганнямі - ад прыватнага да агульнага - можна ўдасканальваць беларускае грамадства і павышаць якасць жыцця ў краіне.
Паводле слоў Аляксея Багданава, Год якасці ў краіне будзе праводзіцца пад эгідай папулярызацыі беларускіх тавараў, павелічэння іх долі на ўнутраным рынку. "Мы павінны ганарыцца сваім, айчынным прадуктам, - падкрэсліў ён. - І ў першую чаргу прадстаўляць шырокаму колу спажыўцоў менавіта тавары беларускай вытворчасці. А для гэтага трэба выканаць шэраг умоў, і ў першую чаргу вырабляць якасную прадукцыю ў неабходных аб'ёмах. Прычым трэба не толькі замяшчаць, але і апярэджваць нашых канкурэнтаў. Гэта датычыцца інавацыйнай прадукцыі, новых тавараў, паляпшэння ўласцівасцей і якасцей вырабленай прадукцыі".
Пасля сустрэчы з калектывам міністр азнаёміўся з вытворчасцю. Сёння булачна-кандытарская кампанія - гэта тры вытворчыя пляцоўкі ў Магілёве і адна - у Быхаве. Акрамя таго, у склад прадпрыемства ўваходзяць чатыры філіялы - Бабруйскі, Горацкі, Мсціслаўскі і Крычаўскі, уключаючы вытворчы ўчастак у Касцюковічах. Агульная колькасць работнікаў складае 1,36 тыс. Гандлёвая сетка ў рэгіёне прадстаўлена 44 аб'ектамі. Па выніках мінулага года тавараабарот склаў 105,2 працэнта да аналагічнага перыяду мінулага года.
Кампанія спецыялізуецца на выпуску хлебабулачных вырабаў, мучных ласункаў, пернікаў і пячэння, кандытарскіх вырабаў, хлебнага квасу і сухога снедання. На Горацкім філіяле таксама наладжана вытворчасць соладу, Крычаўскім - кардоннай тары, Мсціслаўскім - безалкагольных напіткаў. У ліку дапаможных - швейная вытворчасць спецадзення, аўтатранспартная база. У інфраструктуру таксама ўваходзіць аздараўленчы дзіцячы лагер, умяшчальнасцю ў летні перыяд да 1 тыс. чалавек.-0-
