ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +11°C
Усе навіны
Усе навіны
Эканоміка
17 жніўня 2022, 16:37

Арушаньянц: малы і сярэдні бізнес праяўляе цікавасць да кааперацыі з буйнымі прадпрыемствамі

17 жніўня, Іванава /Кар. БЕЛТА/. Прадстаўнікі малога і сярэдняга бізнесу праяўляюць цікавасць да кааперацыі з буйнымі прадпрыемствамі. Аб гэтым паведаміў у Іванаве генеральны дырэктар Беларускага фонду фінансавай падтрымкі прадпрымальнікаў Пётр Арушаньянц, перадае карэспандэнт БЕЛТА.

Беларускі фонд фінансавай падтрымкі прадпрымальнікаў праводзіць сустрэчы вялікіх прадпрыемстваў з суб'ектамі малога і сярэдняга бізнесу. Знайшоўшы агульныя падыходы, прадпрымальнікі могуць уключыцца ў кааперацыйныя ланцугі з буйнымі вытворцамі. Такія кантактна-кааперацыйныя пляцоўкі арганізуюць раз у два тыдні, і яны запатрабаваны.

"Хто знайшоў сабе заказ, яму патрэбна новае абсталяванне, сыравіна, абаротныя сродкі, можа звярнуцца ў наш фонд за фінансавай падтрымкай. Абавязковая ўмова, каб гэта быў праект развіцця, павінны стварацца працоўныя месцы. Калі гэтыя ўмовы захоўваюцца, то мы фінансуем. Брэсцкая вобласць - адзін з лідараў. З задавальненнем працуем, няма праблем па фінансавай дысцыпліне", - адзначыў Пётр Арушаньянц.

Паводле яго слоў, амаль 40 працэнтаў тых, хто звярнуўся, - уладальнікі вытворчых прадпрыемстваў. На другім месцы ідзе сфера будаўніцтва, затым - перавозак, сельскай гаспадаркі, медыцыны, грамадскага харчавання. "Займаемся магчымасцямі паглыбленага галіновага супрацоўніцтва. Напрыклад, прапрацоўваем магчымасці падтрымкі фермерскіх гаспадарак з большай сумай фінансавання і меншай стаўкай па пазыцы. Калі ўсё ўдасца, то з наступнага года пачне працаваць механізм. Але з фермерскімі гаспадаркамі працуем і цяпер", - дадаў Пётр Арушаньянц.

У Іванаве сёння арганізавалі сустрэчу з прадпрымальнікамі па пытаннях развіцця бізнесу. У ёй удзельнічаюць прадстаўнікі Міністэрства эканомікі і іншых рэспубліканскіх арганізацый, Брэсцкага аблвыканкама.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі