6 кастрычніка, Масква /Эдуард Півавар - БЕЛТА/. Аргенціна зацікаўлена ў пастаўках беларускіх угнаенняў і тэхнікі. Аб гэтым было заяўлена 5 кастрычніка ў Маскве на сустрэчы пасла Беларусі ў Расіі Дзмітрыя Крутога з паслом Аргенціны ў РФ і Беларусі па сумяшчальніцтве Эдуарда Антоніа Зуайнам, паведамілі БЕЛТА ў прэс-службе беларускай дыпмісіі.
"Адбыўся абмен думкамі па ўсім комплексе пытанняў двухбаковага парадку дня. Аргенцінскім бокам выказана зацікаўленасць у беларускай тэхніцы розных мадыфікацый, вопыце работы і абмене тэхналогіямі ў малочнай прамысловасці, пастаўках беларускіх угнаенняў", - расказалі ў прэс-службе.
"Пасол Беларусі прапанаваў у тым ліку стварыць у Аргенціне зборачныя вытворчасці беларускай тэхнікі ў шырокім асартыменце - сельскагаспадарчай, пасажырскай, камунальнай. Звярнуў увагу на існуючыя ў Беларусі фінансавыя інструменты падтрымкі экспарту, такія як прыцягненне беларускіх крэдытных рэсурсаў і перадача тэхнікі ў лізінг, што гарантуюць рэальныя льготы і прэферэнцыі для аргенцінскіх партнёраў", - дадалі ў дыппрадстаўніцтве.-0-
