5 ліпеня, Мінск /Кар. БЕЛТА/. "АМКАДОР" прымае ўдзел у міжнароднай прамысловай выстаўцы "Інапрам", якая з 4 па 7 ліпеня праходзіць у Екацярынбургу, паведамілі БЕЛТА ў прэс-службе прадпрыемства.
У выставачнай экспазіцыі холдынга прадстаўлены ўніверсальны пагрузчык з бартавым паваротам АМКАДОР 211, універсальны пагрузчык з тэлескапічнай стралой AMKODOR T400-70, экскаватар-пагрузчык АМКАДОР 732, універсальны пагрузчык АМКАДОР 342C4-07.
ААТ "АМКАДОР" - кіруючая кампанія холдынга" створана ў 1927 годзе. У рамках пяці дывізіёнаў - будаўнічыя, лясныя, сельскагаспадарчыя, камунальныя машыны і кампаненты - вырабляецца тэхніка для ўсіх галін эканомікі, а таксама ўласная элементная база. Усяго на прадпрыемствах выпускаецца 6,5 тыс. найменняў прадукцыі, больш за 125 мадэлей і мадыфікацый машын, якія працуюць у 40 краінах. У апошнія гады холдынг узяў курс на інавацыйныя праекты. Іх рэалізацыя стратэгічна важна для прадпрыемства, таму што асноўная мэта - далейшае развіццё ўласных вытворчасцей, укараненне прагрэсіўных рашэнняў і тэхналогій, захаванне лідарскіх пазіцый на заваяваных рынках і замацаванне дасягнутых вынікаў інтэнсіўна развіваемага напрамку па вытворчасці шматфункцыянальных машын.-0-
