1 верасня, Мінск /Кар. БЕЛТА/. Аграрыі Магілёўскай вобласці намалацілі 1 млн т збожжа, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.
Паводле даных на 1 верасня, усяго ў краіне намалочана 7,737 млн т збожжа пры сярэдняй ураджайнасці 37,3 ц/га (у 2019 годзе ўраджайнасць на аналагічную дату складала 31,2 ц/га). У Мінскай вобласці сабралі больш за 1,9 млн т збожжа, у Гродзенскай - 1,5 млн т, Брэсцкай - звыш 1,3 млн т, Магілёўскай - 1 млн т і больш як па 900 тыс. т - у Віцебскай і Гомельскай абласцях.
Збожжавыя і зернебабовыя культуры (без уліку кукурузы) убраны з 2,077 млн га, што складае 94,7 працэнта запланаванай плошчы. У Брэсцкай вобласці ўбрана 99 працэнтаў плошчаў ад плана (336,8 тыс. га), у Гродзенскай - 98,8 працэнта (318,7 тыс. га), Мінскай - 98,8 працэнта (483,7 тыс. га), Гомельскай - 97,5 працэнта (333,1 тыс. га), Магілёўскай - 88 працэнтаў (292,5 тыс. га), Віцебскай - 85,2 працэнта (312,5 тыс. га). Прадаўжаецца ўборка грэчкі і проса - у цэлым па Беларусі ўбрана 19,8 працэнта і 30 працэнтаў плошчаў адпаведна. Яравы рапс убраны з 21 працэнта плошчаў.
Лён выцераблены на 46,6 тыс. га (96,6 працэнта ўборачнай плошчы). Абгортванне стужак лёну праведзена на 22,4 тыс. га (48,2 працэнта да выцерабленага). Ільнотраста паднята з 4,39 тыс. га, нарыхтавана 14,7 тыс. т пры сярэдняй ураджайнасці 36,7 ц/га.
Акрамя таго, у Беларусі нарыхтавана 785,7 тыс. т сена (77,8 працэнта ад плана), 12,917 млн т сенажу (102,5 працэнта) і 1,751 млн т сіласу (9,1 працэнта). Убрана 8,4 працэнта плошчаў кукурузы на сілас і зялёны корм. Усяго ў бягучым годзе плануецца атрымаць 9,3 млн т адзінак травяных кармоў, прычым найбольшая доля прыпадзе на Мінскую і Брэсцкую вобласці. Да гэтага часу нарыхтавана 47,5 працэнта ад плана.-0-
