28 лістапада, Мінск /Кар. БЕЛТА/. Чацвёртая Заходне-Кітайская міжнародная выстаўка тэхналогій і абсталявання для паставак і лагістыкі і міжнародны форум па супрацоўніцтве ў галіне транспарту і лагістыкі "Азія-Еўропа" паспяхова прайшлі ў горадзе Чэнду. Аб гэтым карэспандэнту БЕЛТА расказалі ў беларускай загранустанове ў Чунцыне.
Генеральны консул Рэспублікі Беларусь у Чунцыне Дзмітрый Емяльянаў у анлайн-фармаце прыняў удзел у панэльнай сесіі форуму "Міжнародныя рэйсы. Стварэнне свабоднай пан'еўрапейскай і паназіяцкай транспартнай артэрыі мультымадальных перавозак".
Пры садзейнічанні Генеральнага консульства на выстаўцы прэзентаваны спецыялізаваны стэнд аб Беларусі і Кітайска-беларускім індустрыяльным парку "Вялікі камень".-0-
