Мабільная версія
ДЗЯРЖОРГАНЫ

Апошнія навіны
Усе навіны

Выстава нямецкага мастака Германа Буса "Палеская элегія. Страчаная зямля" адкрылася ў Мінску

Культура 11.09.2019 | 12:23
Фота з архіва
Фота з архіва

11 верасня, Мінск /Кар. БЕЛТА/. Выстава нямецкага мастака Германа Буса "Палеская элегія. Страчаная зямля" адкрылася ў Нацыянальным цэнтры сучасных мастацтваў Беларусі, перадае карэспандэнт БЕЛТА.

У экспазіцыі прадстаўлены каля 50 карцін Германа Буса, асноўная частка якіх паказвае, як чарнобыльская катастрофа змяніла зямлю і людзей.

Паводле слоў дырэктара цэнтра Сяргея Крыштаповіча, год таму Герман Бус сам звярнуўся да іх з прапановай правесці выставу, прысвечаную Чарнобылю. "Праз пейзаж і лірыку сумленны мастак, які любіць жыццё, выказвае сваё светаўспрыманне, а таксама тую філасофію, што нараджаецца ад сузірання і пераасэнсавання рэчаіснасці нашага свету, - падкрэсліў дырэктар. - Я ў захапленні. У работах ёсць шчымлівая нотка болю і разваг аб скарацечнасці жыцця, але ў той жа час гэта выстава дае вялікую надзею, што жыццё не спыняецца".

Для стварэння сваіх карцін Герман Бус зрабіў некалькі паездак у зону адчужэння Чарнобыльскай АЭС, пачынаючы з 2015 года. Самая першая паездка яго настолькі глыбока кранула эмацыянальна, што ён пачаў далей прапрацоўваць гэту тэму.

Чатыры гады таму былі створаны маленькія зімовыя карціны. У працэсе работы мастак прачытаў шмат матэрыялаў пра Беларусь. У першую чаргу на яго паўплывала беларуская літаратура, усё перакладзенае на нямецкую мову, што змог знайсці, ён прачытаў. "Беларуская літаратура стала своеасаблівым ключом да разумення вашай зямлі і меланхоліі, якая затым знайшла адлюстраванне ў маіх работах, - адзначыў мастак. - Я вельмі палюбіў усе ландшафты, адлюстраваныя на маіх карцінах, хоць у іх прысутнічае трагізм чарнобыльскай катастрофы".

Паказваючы закінутыя беларускія дамы, дарогі, сцэны разбурэння з фатаграфічнай дакладнасцю, Герман Бус даводзіць гэту рэальнасць да ілюзорнасці. У буйнафарматных, гіперрэалістычных карцінах ландшафтаў любая дэталь становіцца знакам. Важнейшым з такіх знакаў для мастака з'яўляецца сіняя або ярка-блакітная фарба - тая самая, якой у Беларусі фарбуюць старыя крыжы і агароджы на магілах, драўляныя дамы і платы. Апошнія сляды чалавека ў зоне адчужэння адзначаны яркай фарбай.

"Палеская элегія" - падарожжа нямецкага мастака ў іншы для яго пейзаж, у іншую культуру, пра якія наведвальнікі экспазіцыі таксама змогуць больш даведацца дзякуючы гэтаму погляду мастака.

Выстава "Палеская элегія. Страчаная зямля" будзе працаваць па 29 верасня, а затым адправіцца ў Гомель.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.