ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +12°C
Усе навіны
Усе навіны
Культура
22 лютага 2021, 11:19

Вялікі тэатр Беларусі 3 сакавіка прысвеціць балет "Спартак" 20-годдзю творчасці Антона Краўчанкі

"Стварэнне свету". У цэнтры - Антон Краўчанка (Адам). Фота з архіва
"Стварэнне свету". У цэнтры - Антон Краўчанка (Адам). Фота з архіва

22 лютага, Мінск /Кар. БЕЛТА/. Балет "Спартак" будзе паказаны 3 сакавіка ў гонар 20-гадовага творчага юбілею заслужанага артыста Беларусі Антона Краўчанкі, паведаміла БЕЛТА вядучы рэдактар службы маркетынгавых камунікацый Вялікага тэатра Беларусі Вольга Савіцкая.

Антон Краўчанка скончыў Беларускі дзяржаўны харэаграфічны каледж у 2000 годзе. Яго педагог - заслужаны артыст Беларусі Сяргей Пясцехін. Маладога артыста прынялі ў трупу Вялікага тэатра Беларусі ў 2001 годзе. У 2008-м за выдатныя дасягненні ў прафесіі ён узнагароджаны медалём Францыска Скарыны. У 2013-м Антону Краўчанку прысвоена званне заслужанага артыста.

Вядучы майстар сцэны выканаў галоўныя партыі практычна ва ўсіх спектаклях харэографа мастацкага кіраўніка Вялікага тэатра Беларусі Валянціна Елізар'ева: Рамэа - "Рамэа і Джульета", Хазэ - "Кармэн-сюіта", Яраполк - "Страсці (Рагнеда)", Спартак - "Спартак", Адам і Бог - "Стварэнне свету", Прынц - "Шчаўкунок", Тыль Уленшпігель - "Легенда аб Уленшпігелі", Саліст - "Балеро", Паэт - "Карміна Бурана".

У Вялікім тэатры падкрэсліваюць, што Антон Краўчанка бліскуча выконвае тытульныя партыі ў класічных балетах "Лебядзінае возера", "Дон Кіхот", "Карсар", "Бахчысарайскі фантан", "Баядэрка".

У партфоліа артыста - галоўныя ролі ў балетах галоўнага балетмайстра тэатра Юрыя Траяна: Вітаўт у аднайменным балеце, Марк у спектаклі "Трыстан і Ізольда", Сямён у балеце "Анастасія". Таксама ён выканаў партыі ў балетах Аляксандры Ціхаміравай "Маленькі прынц" і "Ор і Ора", ролю Гара-Меліка ў балеце Палада Бюльбюль аглы "Каханне і смерць" у пастаноўцы Вольгі Костэль. Нядаўна танцоўшчык выступіў у ролі Пер Гюнта ў аднайменным балеце, над якім працаваў малады беларускі балетмайстар і харэограф Сяргей Мікель.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі