Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Уладзімір Місевіч у год 50-годдзя ВІА "Песняры" прэзентаваў кнігу аб ансамблі

Культура 10.04.2019 | 14:46

10 красавіка, Мінск /Кар. БЕЛТА/. Прэзентацыя кнігі Уладзіслава Місевіча "Песняры. Я раман з працягам пішу..." ў год 50-годдзя легендарнага ВІА "Песняры" адбылася 9 красавіка ў прэс-цэнтры Дома прэсы ў Мінску, перадае карэспандэнт БЕЛТА.

"Пры напісанні кнігі было самым складаным не адступіць ад праўды. Максімальна расказаць аб тым, як усё было, і ў той жа час нікога не пакрыўдзіць. Наколькі гэта ўдалося, пакажа час", - адзначыў аўтар кнігі, адзін з заснавальнікаў ансамбля "Песняры" заслужаны артыст Беларусі Уладзіслаў Місевіч.

Паводле яго слоў, не менш цяжкім было вызначыцца з назвай кнігі. "Некалькі месяцаў пайшло на афармленне вокладкі і назву. Рабочая назва была іншай. Было шмат дыскусій. У выніку прыйшлі да такой назвы", - расказаў аўтар выдання.

На падрыхтоўку кнігі пайшло чатыры гады. У рабоце над ёй таксама прынялі ўдзел Юрый Кунец і Аляксандр Кацікаў - аўтары ідэі, літаратурным кансультантам стаў Сяргей Трафілаў. "У кнізе ўзноўлена кожная падзея з гісторыі "Песняроў". Прадстаўлены зусім розныя па сваім характары моманты з жыцця ансамбля: гісторыя стварэння песень, бытавыя моманты, знакамітыя гастролі ў Амерыку. Аўтар не абышоў нейкія вострыя тэмы, але ўсё гэта атрымалася далікатна, культурна і стрымана. Вядома, дзякуючы кнізе можна пазнаёміцца з жыццёвым і творчым шляхам самога Уладзіслава Місевіча. Па сутнасці, гэта не проста гісторыя "Песняроў", гэта зрэз таго перыяду жыцця: якія каштоўнасці былі ў людзей, што для іх было важным", - адзначыў Сяргей Трафілаў.

Кніга Уладзіслава Місевіча "Песняры. Я раман з працягам пішу..." выйшла тыражом каля 3 тыс. Але з улікам усё большага попыту плануецца дадатковы тыраж.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.