30 чэрвеня, Мінск /Кар. БЕЛТА/. Маладзёжны тэатр эстрады па просьбах юных гледачоў дасць дадатковыя паказы любімых музычных казак, паведамілі карэспандэнту БЕЛТА ў канцэртным аддзеле тэатра.
"Летнія канікулы, бадай што, самы важны час у жыцці любога школьніка. Гэты бесклапотны час павінен быць напоўнены рознымі эмоцыямі і пакідаць толькі пазітыўныя і светлыя ўспаміны. Акрамя гульні ў даганялкі, чытання цікавых кніг і прагулак з сябрамі, можна разнастаіць лета свайго дзіцяці і падарыць яму незабыўнае падарожжа ў казачны свет Маладзёжнага тэатра эстрады. Спецыяльна для нашых маленькіх гледачоў мы прадаўжаем паказ самых папулярных і ўпадабаных імі праграм", - расказалі ў тэатры.
Хлопчыкаў і дзяўчынак 6 ліпеня запрашаюць зрабіць вясёлую прагулку па стакгольмскіх дахах у музычнай казцы "Той самы Карлсан і Малыш". "14 ліпеня музычны спектакль "Катавасія і Пёсасторыя" раскажа ўсім цікаўным гледачам, ці існуе ўсё ж такі сяброўства паміж катамі і сабакамі. 16 ліпеня Тэатр эстрады прадстаўляе вясёлую казку пра маленькіх казачных чалавечкаў Ох і Ах, якія вырашылі процістаяць злой чараўніцы Гаргамэль. Гледачоў чакае яркая музычная пастаноўка, смешныя сцэны з пераапрананнямі, вясёлыя песні і незвычайныя касцюмы", - дадалі ў канцэртным аддзеле.-0-
