ДЗЯРЖОРГАНЫДЗЯРЖОРГАНЫ
Флаг Панядзелак, 4 ліпеня 2022
Мінск Ясна +20°C
Усе навіны
Усе навіны
Культура
24 лютага 2022, 09:19

Створаны аргкамітэт па падрыхтоўцы Дня беларускага пісьменства ў Добрушы

Фота з архіва
Фота з архіва

24 лютага, Мінск /Кар. БЕЛТА/. Нацыянальны арганізацыйны камітэт па падрыхтоўцы і правядзенні XXIX Дня беларускага пісьменства, які ў гэтым годзе пройдзе ў Добрушы Гомельскай вобласці 4 верасня, створаны пастановай Савета Міністраў ад 22 лютага 2022 года нумар 95. Дакумент апублікаваны сёння на Нацыянальным прававым інтэрнэт-партале, паведамляе БЕЛТА.

Старшынёй аргкамітэта назначаны намеснік прэм'ер-міністра Ігар Петрышэнка, яго намеснікамі - міністр інфармацыі Уладзімір Пярцоў і старшыня Гомельскага аблвыканкама Іван Крупко. Усяго ў складзе аргкамітэта 17 чалавек.

Святочныя мерапрыемствы будуць фінансавацца за кошт прадугледжаных на гэтыя мэты сродкаў Гомельскага аблвыканкама, Добрушскага райвыканкама, рэспубліканскіх органаў дзяржкіравання, іншых зацікаўленых.

Дзень беларускага пісьменства заснаваны ў 1994 годзе і адзначаецца штогод у першую нядзелю верасня. Ён праводзіцца для папулярызацыі лепшых традыцый нацыянальнай культуры, друкаванага слова, духоўнасці беларускага народа. Праходзіць у гістарычных і культурных цэнтрах, з якімі непарыўна звязана жыццё вядомых дзеячаў краіны. У 2021 годзе Дзень беларускага пісьменства прымаў Капыль Мінскай вобласці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі