Мабільная версія
ДЗЯРЖОРГАНЫ

Апошнія навіны
Усе навіны

Перад прэм'ерай балета "Рамэа і Джульета" ў Вялікім адбудзецца сустрэча з танцавальным крытыкам

Культура 03.12.2018 | 13:24
Фота Вялікага тэатра оперы і балета
Фота Вялікага тэатра оперы і балета

3 снежня, Мінск /Кар. БЕЛТА/. Нацыянальны акадэмічны Вялікі тэатр оперы і балета Беларусі запрашае ў дзень прэм'еры балета "Рамэа і Джульета" на сустрэчу з танцавальным крытыкам Святланай Уланоўскай, паведамілі сёння журналістам у тэатры, перадае карэспандэнт БЕЛТА.

Вялікі тэатр Беларусі 5 снежня разам са Святланай Уланоўскай запрашае гледачоў у імправізаваны лекторый, каб разам зрабіць кароткі экскурс у гісторыю пастановачных інтэрпрэтацый балета "Рамэа і Джульета", што дасць магчымасць лепш настроіцца на ўспрыманне мінскага спектакля ў пастаноўцы Валянціна Елізар'ева.

"Партытура Сяргея Пракоф'ева па праву лічыцца класікай музычнага тэатра ХХ стагоддзя. Хоць сучаснікі музыку балета ўспрынялі неадназначна, далі самыя супярэчлівыя ацэнкі. Тым не менш для савецкага балетнага тэатра першая пастаноўка "Рамэа і Джульета" Леаніда Лаўроўскага 1940 года стала этапнай падзеяй, эталонам, уплыў якога адчуваецца ў большасці наступных версій. На працягу многіх дзесяцігоддзяў цікавасць харэографаў да партытуры Пракоф'ева не згасае", - падкрэслілі ў тэатры.

У 1988 годзе лібрэта і харэаграфію беларускай версіі балета "Рамэа і Джульета" напісаў мастацкі кіраўнік Вялікага тэатра Валянцін Елізар'еў, а цяпер ён прадставіць яго ў новай аўтарскай рэдакцыі. "Пастаноўка перапрацоўваецца, уводзяцца новыя выканаўцы. Спектакль выпускаецца ў вельмі сціснутыя тэрміны - практычна з адной сцэнічнай рэпетыцыяй і адной аркестравай. Я лічу, што прафесіяналы павінны рабіць усё ў кароткія тэрміны. Мне здаецца, мой балет застаўся з той жа канцэпцыяй, што і быў, - адзначыў балетмайстар. - Хоць няўдзячная справа расказваць пра балет словамі, яго трэба адчуць сэрцам, каб ён усхваляваў. Спадзяюся, што мы дасягнём пэўнага эфекту, бо гэты спектакль бесперапынна ішоў некалькі дзесяцігоддзяў, збіраючы ў тэатры поўную залу".

Сустрэчы з гледачамі перад спектаклямі плануецца праводзіць у Вялікім тэатры оперы і балета Беларусі рэгулярна.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Хто часцей за ўсё наведвае Беларусь па бязвізавым рэжыме Паводле даных на 29 лістапада, магчымасцямі 30-дзённага бязвізавага знаходжання ў Беларусі скарысталіся амаль 179 тыс. грамадзян розных краін.