Мабільная версія
ДЗЯРЖОРГАНЫ

Апошнія навіны
Усе навіны

Культавы спектакль АRT Купалаўскага тэатра з аншлагам прайшоў у Маладзечне

Культура 24.10.2019 | 11:08
Фота Kupalauski.by
Фота Kupalauski.by

24 кастрычніка, Мінск /Кар. БЕЛТА/. Нацыянальны акадэмічны тэатр імя Янкі Купалы наведаў з гастролямі горад Маладзечна і паказаў у гарадскім Палацы культуры спектакль ART. Культавую пастаноўку мастацкага кіраўніка і рэжысёра тэатра Мікалая Пінігіна ўбачылі 410 гледачоў, паведамілі БЕЛТА ва ўстанове.

ART - адзін са спектакляў-візітак Купалаўскага тэатра, які палюбіўся не толькі гледачам Мінска, але і іншых гарадоў Беларусі, а таксама замежжа. Так, у чэрвені 2016 года ён з поспехам быў паказаны ў Парыжы ў час першых беларускіх тэатральных сезонаў у Францыі.

У аснове спектакля гісторыя трох 40-гадовых сяброў, якія перажываюць крызіс сярэдняга ўзросту. П'еса прыцягвае ўвагу гледачоў ва ўсім свеце, яна перакладзена на 35 моў і пастаўлена ў многіх тэатрах Еўропы.

З нагоды сотага тэатральнага сезона Купалаўскі тэатр пашырае карту гастроляў па Беларусі. Так, ужо 25 і 26 кастрычніка ён прадставіць спектаклі "Рэвізор" і "Паўлінка" ў Гродзенскім абласным драматычным тэатры. 5 лістапада горад Бабруйск прымае "Ураджай" паводле п'есы Паўла Пражко. ART яшчэ раз адправіцца ў гастролі 15 лістапада ў Ліду. 3 снежня Гомель ўбачыць спектакль "Рэвізор". 7 снежня спектакль рэжысёра Валерыя Раеўскага "Вечар" будзе паказаны ў Салігорску ў Палацы культуры.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Маладзёжны чэмпіянат свету па хакеі ў Мінску Беларусь атрымала права прыняць маладзёжны (U-20) чэмпіянат свету ў першым дывізіёне на кангрэсе Міжнароднай федэрацыі хакея ў Браціславе.