23 кастрычніка, Віцебск /Кар. БЕЛТА/. 23 кастрычніка ў культурна-спартыўным комплексе Летняга амфітэатра цэнтра культуры "Віцебск" адкрыўся інтэрактыўны цэнтр жывой гісторыі "Варгенторн".
Народны клуб гістарычнай рэканструкцыі "Варгенторн" дазволіць калектыву ў поўнай меры рэалізаваць свой патэнцыял. У цэнтры з'явілася выставачная зала, залы для майстар-класаў і іншых мерапрыемстваў. Будуць створаны гарбарная, сталярная, слясарная і ювелірная майстэрні, каб вырабляць рэчы для клуба.
На адкрыцці цэнтра жывой гісторыі правялі экскурсію і майстар-клас па гістарычным фехтаванні "Старажытны Віцебск". Гасцей азнаёмілі з асновамі сярэдневяковага бою на тэрыторыі Днепра-Дзвінскага рэгіёна ў IX-XI стагоддзях, прадставілі гістарычнае фехтаванне і дружынную культуру Прыбалтыйскага рэгіёна ў Сярэдневякоўі. На выстаўцы можна ўбачыць ахоўны рыштунак і наступальнае ўзбраенне воінаў на шляху "з варагаў у грэкі".-0-
Фота Аляксандра Хітрова