Мабільная версія
ДЗЯРЖОРГАНЫ

Апошнія навіны
Усе навіны

Фестываль беларускага слова правядуць у Віцебску

Культура 15.11.2019 | 09:30
Фота з архіва
Фота з архіва

15 лістапада, Віцебск /Андрэй Шчарбіцкі - БЕЛТА/. Філалагічны факультэт Віцебскага дзяржаўнага ўніверсітэта імя П.М. Машэрава 15-22 лістапада правядзе ў ВНУ фестываль беларускага слова, паведамілі карэспандэнту ва ўніверсітэце.

Форум, прысвечаны роднай мове, культуры і традыцыям, збярэ аматараў беларускага слова. У пачатку лістапада стартавала чэлендж-эстафета ў Instagram. Выкладчыкі і студэнты пад хэштэгам #вершыфлф публікуюць відэа, дзе яны чытаюць беларускамоўную паэзію. На працягу тыдня ўдзельнікаў фестывалю чакаюць розныя мерапрыемствы. Так, 15 лістапада пройдзе літаратурная сустрэча, прымеркаваная да 80-годдзя з дня нараджэння паэта, літаратуразнаўца Анатоля Канапелькі, які выкладаў ва ўніверсітэце.

Арганізатары форуму парадуюць гасцей музычным і інтэрактыўным спектаклямі, прэзентацыяй альманаха цэнтра славянскіх моў і культур, конкурсам перакладчыкаў. 20 лістапада ў сценах ВНУ пачне работу рэспубліканская навукова-практычная канферэнцыя "Беларуская мова і літаратура ў славянскім этнакультурным кантэксце", студэнты і выкладчыкі сустрэнуцца з акадэмікам НАН Беларусі прафесарам Аляксандрам Лукашанцам. На іншыя дні запланаваны конкурс беларускай песні, пасяджэнне клуба "Размаўляй-ка", на якім навучаць азам мовы замежных студэнтаў.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.