25 сакавіка, Мінск /Ганна Сініцкая - БЕЛТА/. Белдзяржцырк адмяняе паказы 28-29 сакавіка і завяршае праграму "Водная феерыя. Фэнтэзі парк", паведамілі БЕЛТА ва ўстанове.
"Праграма "Водная феерыя. Фэнтэзі парк" завяршае сваю работу 29 сакавіка. Таксама адмяняюцца паказы 28 сакавіка ў 11.00, 19.00 і 29 сакавіка ў 11.00", - адзначылі ў цырку.
Набытыя білеты на адмененыя паказы можна вярнуць у касах Белдзяржцырка з пакрыццём поўнага кошту. Усю неабходную інфармацыю можна атрымаць на сайце цырка і ў сацыяльных сетках.-0-