6 жніўня, Мінск /Кар. БЕЛТА/. Нацыянальная кінастудыя "Беларусьфільм" будзе займацца арганізацыяй XXVII Мінскага міжнароднага кінафестывалю "Лістапад". Аб гэтым паведаміў сёння журналістам вядучы спецыяліст прадзюсарскага цэнтра кінастудыі Юрый Ігруша, перадае карэспандэнт БЕЛТА.
"Важны момант, што ў гэтым годзе Нацыянальная кінастудыя "Беларусьфільм" па рашэнні Міністэрства культуры будзе займацца арганізацыяй Мінскага міжнароднага кінафестывалю "Лістапад". Фестываль пройдзе 27-ы раз. У мінулым годзе ён не адбыўся, - расказаў Юрый Ігруша. - Мы з павагай ставімся да папярэдняй каманды і не хачам страціць дасягнутае. Тым не менш будуць дадатковыя крэатыўныя рашэнні, новыя імёны, фільмы".
Паводле яго слоў, арганізатары "Лістапада" глядзяць на маючую адбыцца падзею з аптымізмам. "Некаторыя гавораць, што фестываль знікае. Але не, наадварот, ён атрымаў новую хвалю свайго развіцця", - дадаў вядучы спецыяліст.
Фестываль "Лістапад" акрэдытаваны Міжнароднай федэрацыяй асацыяцый кінапрадзюсараў (FIAPF) як конкурсны фестываль фільмаў, створаных у краінах СНД, Цэнтральнай і Паўднёва-Усходняй Азіі, краінах Балтыі, Усходняй і Цэнтральнай Еўропы, на Кубе.-0-
