19 снежня, Мінск /Кар. БЕЛТА/. У Мінску ў Нацыянальным цэнтры мастацкай творчасці дзяцей і моладзі адкрылася XXVIII Рэспубліканская выстава-конкурс дэкаратыўна-прыкладной творчасці навучэнцаў "Калядная зорка", перадае карэспандэнт БЕЛТА.
Традыцыйна ў канцы снежня выставачная зала цэнтра адкрывае партал у навагоднюю атмасферу. Тут на сценах, у вітрынах і сталах размясцілася больш за 500 індывідуальных і калектыўных творчых работ з усіх куткоў краіны на зімовую, навагоднюю і беларускую тэматыку.
Свае работы на конкурс адпраўляюць навучэнцы аб'яднанняў па інтарэсах выяўленчай і дэкаратыўна-прыкладной творчасці ўстаноў дадатковай адукацыі дзяцей і моладзі, а таксама іншых адукацыйных устаноў ва ўзросце ад 8 да 16 гадоў. Як расказала загадчыца сектара выставачнай работы Святлана Скварнюк, дзеці заўсёды актыўна ўдзельнічаюць у конкурсе, паколькі яго тэматыка асацыюецца ў іх з самай прыемнай парой года. "Гэты конкурс мае этапы, таму калі лічыць, напрыклад, па ўсіх этапах, пачынаючы ад устаноў адукацыі, раённага і гарадскога этапаў, у нашым конкурсе прымаюць удзел амаль 10 тыс. навучэнцаў", - расказала яна.
Усе работы, прадстаўленыя на конкурсе, выраблены ў розных відах і тэхніках дэкаратыўна-прыкладной творчасці: выцінанка, мастацкая саломка, лозапляценне, мастацкая размалёўка, кераміка, дрэваапрацоўка, вышыўка, ткацтва, габелен і іншыя. Напрыклад, дзесяцігадовая Дарына Шавіра падрыхтавала для выставы біблейскі сюжэт "Хрыстос нарадзіўся", а таксама навагоднія званочкі. Абедзве работы яна выканала з гліны. "Над першай работай я сядзела тры заняткі. Гэта не вельмі доўга, калі не лічыць час, пакуль яна застывала і абпальвалася. Я выбрала менавіта яе, таму што яна паказвае, як з'явілася свята Каляды. Я люблю ствараць работы, звязаныя з Новым годам, таму што ў гэта свята заўсёды вельмі шмат прыемных эмоцый і, вядома ж, падарункаў. Мае работы ўпершыню на выставе, таму я сёння асабліва рада", - падзялілася яна.
Дырэктар Нацыянальнага цэнтра мастацкай творчасці дзяцей і моладзі Міністэрства адукацыі Надзея Васільчанка адзначыла, што "Калядная зорка" - самая цудоўная выстава. "Тут прадстаўлены работы з розных куткоў нашай краіны. Яны выкананы дзецьмі з разнастайных падручных матэрыялаў. Гэтыя творы дораць нам чараўніцтва і нагадваюць, што Новы год ужо стукае ў нашы дзверы", - сказала яна.
Лепшыя работы выставы прадоўжаць сваё падарожжа і апынуцца ў Палацы Рэспублікі на дабрачынным свяце акцыі "Нашы дзеці".-0-
Свае работы на конкурс адпраўляюць навучэнцы аб'яднанняў па інтарэсах выяўленчай і дэкаратыўна-прыкладной творчасці ўстаноў дадатковай адукацыі дзяцей і моладзі, а таксама іншых адукацыйных устаноў ва ўзросце ад 8 да 16 гадоў. Як расказала загадчыца сектара выставачнай работы Святлана Скварнюк, дзеці заўсёды актыўна ўдзельнічаюць у конкурсе, паколькі яго тэматыка асацыюецца ў іх з самай прыемнай парой года. "Гэты конкурс мае этапы, таму калі лічыць, напрыклад, па ўсіх этапах, пачынаючы ад устаноў адукацыі, раённага і гарадскога этапаў, у нашым конкурсе прымаюць удзел амаль 10 тыс. навучэнцаў", - расказала яна.
Нягледзячы на тое, што конкурс праходзіць ужо 28-ы раз, навінкі ў яго ўсё яшчэ прыўносяць. Святлана Скварнюк адзначыла, што ў гэтым годзе таксама правялі праект "Ёлкі маёй краіны". "Мы прапанавалі абласцям падумаць і стварыць набор цацак, які адлюстроўваў бы рэгіянальныя асаблівасці і дасягненні сучаснай Беларусі ў сельскай гаспадарцы, прамысловасці, навуцы, спорце і космасе. Мы атрымалі вельмі цікавыя цацкі ад усіх абласцей. Кожны стараўся як мог, і падыход да рэалізацыі праекта ва ўсіх быў розны. Хтосьці прадумваў агульную канцэпцыю і прасіў рэгіёны зрабіць цацкі ў адным стылі. Вельмі цікавая ялінка атрымалася ў Мінска: кожны раён зрабіў цацку-цукерку пэўнага памеру ўнутры, а на яе вонкавым баку намаляваў снежныя пейзажы і знакавыя архітэктурныя збудаванні сталіцы", - дадала яна.
Дырэктар Нацыянальнага цэнтра мастацкай творчасці дзяцей і моладзі Міністэрства адукацыі Надзея Васільчанка адзначыла, што "Калядная зорка" - самая цудоўная выстава. "Тут прадстаўлены работы з розных куткоў нашай краіны. Яны выкананы дзецьмі з разнастайных падручных матэрыялаў. Гэтыя творы дораць нам чараўніцтва і нагадваюць, што Новы год ужо стукае ў нашы дзверы", - сказала яна.
Лепшыя работы выставы прадоўжаць сваё падарожжа і апынуцца ў Палацы Рэспублікі на дабрачынным свяце акцыі "Нашы дзеці".-0-
Падпісвайцеся на нас у
