Сцяг Аўторак, 19 сакавіка 2024
Усе навіны
Усе навіны
Культура
11 снежня 2018, 09:35

Аркестр Міхаіла Фінберга прадставіць 16 снежня праграму аб Раймандсе Паўлсе

11 снежня, Мінск /Кар. БЕЛТА/. Нацыянальны акадэмічны канцэртны аркестр Беларусі падрыхтаваў праграму, прысвечаную творчасці савецкага і латвійскага кампазітара, дырыжора, піяніста, народнага артыста СССР Раймандса Паўлса, паведаміў карэспандэнту БЕЛТА мастацкі кіраўнік калектыву, народны артыст Беларусі, прафесар Міхаіл Фінберг.

"Прэм'ера праграмы адбудзецца 16 снежня ў Віцебскай абласной філармоніі. У канцэрце прагучаць песні Раймандса Паўлса на словы Яўгена Еўтушэнкі, Андрэя Вазнясенскага, Ільі Рэзніка і Ігара Шаферана. Сярод іх такія вядомыя і любімыя, як "Стары сябар", "Яшчэ не вечар", "Чарлі", "Танец на барабане", "Выпадковае знаёмства". Іх выканаюць вядучыя салісты заслужанага калектыву: Наталля Тамела, Валерыя Грыбусава, Руслан Мусвідас, Дзмітрый Качароўскі, Галіна Грамовіч, Алеся Дзяржавец, Таццяна Глазунова, Аляксандр Салаўёў, Ягор Шаранкоў і Яўген Цымбаліст. Акрамя таго, аркестр выканае мелодыю з кінафільма "Доўгая дарога ў дзюнах" і блюз "Кроплі дажджу", - расказаў Міхаіл Фінберг.

Паводле слоў маэстра, з кампазітарам Раймандсам Паўлсам іх звязвае даўняя творчая дружба. "Мы працавалі разам у Маскве, Рызе, на міжнародным фестывалі мастацтваў "Славянскі базар у Віцебску". Ён выдатны чалавек і прафесіянал сваёй справы. Мы пакажам багацце яго музыкі, усё самае лепшае. Нам будзе вельмі прыемна працаваць на гэтым канцэрце", - адзначыў ён.-0-

Падпісвайцеся на нас у
Twitter
Топ-навіны
Свежыя навіны Беларусі