25 кастрычніка, Мінск /Кар. БЕЛТА/. Прэзідэнт ЗША Дональд Трамп падпісаў указ аб аднаўленні прыёму бежанцаў у ЗША, аднак праверка мігрантаў з некаторых краін будзе больш строгай, паведамляюць інфармагенцтвы.
Як адзначаецца ва ўказе, 120-дзённая забарона на прыём бежанцаў, тэрмін якой завяршыўся 24 кастрычніка, дапамагла ўзмацніць бяспеку дзяржавы. Таксама ў адміністрацыі Дональда Трампа прыйшлі да высновы, што цяперашні парадак праверкі асоб, якія хочуць атрымаць статус бежанца ў ЗША, адпавядае ўсім неабходным нормам.
Разам з тым было прынята рашэнне аб увядзенні больш дасканалага кантролю ў адносінах да бежанцаў з 11 краін, якія ўяўляюць пагрозу для бяспекі ЗША. Аб якіх краінах ідзе размова, не ўдакладняецца.-0-
