30 мая, Мінск /Кар. БЕЛТА/. Першым афіцыйным кандыдатам на пасаду прэзідэнта ЗША на выбарах, якія пройдуць у лістападзе 2016 года, стаў Гэры Джонсан, паведамілі амерыканскія СМІ.
Стала вядома, што на партыйным з'ездзе ён набраў больш за палавіну галасоў дэлегатаў - 55,8 працэнта. Джонсан з'яўляўся адзіным кандыдатам ад Лібертарыянскай партыі на партыйным з'ездзе. Аднак у яго было пяць сапернікаў, якія ў агульнай суме набралі менш галасоў.
Лібертарыянцы ўдзельнічаюць у прэзідэнцкай гонцы з 1972 года, але ніколі не былі сур'ёзнымі сапернікамі для дэмакратаў і рэспубліканцаў. У 1980-м за іх прадстаўніка прагаласаваў толькі 1 працэнт амерыканскіх выбаршчыкаў.
Ужо паведамлялася, што Дональд Трамп, кандыдат у прэзідэнты ЗША ад Рэспубліканскай партыі, набраў неабходную колькасць галасоў для вылучэння на пасаду прэзідэнта краіны.-0-
