15 верасня, Мінск /Кар. БЕЛТА/. У метро Лондана знайшлі другую бомбу, паведамляюць брытанскія СМІ.
Як перадае ТАСС, прэм'ер-міністр Вялікабрытаніі Тэрэза Мэй правядзе сёння пасяджэнне надзвычайнага ўрадавага камітэта COBRA ў сувязі з тэрактам у лонданскім метро.
Паведамленне аб узрыве на станцыі лонданскага метро "Парсанс грын" паступіла сёння раніцай. Паводле папярэдніх даных, узрыў неўстаноўленага прадмета адбыўся ў вагоне, у выніку чаго некалькі чалавек атрымалі апёкі. Паліцыя Лондана расцэньвае сённяшні ўзрыў як тэракт. Відавочцы ЧП адзначаюць, што цяпер сітуацыя на станцыі "Парсанс грын" стабілізавалася. На месцы здарэння прадаўжаюць працаваць ратавальнікі, медыкі і контртэрарыстычная паліцыя.-0-
