17 лютага, Астана /БЕЛТА - КАЗІНФАРМ/. Сем ваеннаслужачых загінулі пад лавінай у Жамбылскай вобласці Казахстана. Аб гэтым паведаміў афіцыйны прадстаўнік Камітэта па надзвычайных сітуацыях МУС Казахстана Руслан Іманкулаў.
"Мы не можам сказаць, колькі там было дакладна ваеннаслужачых, гэта павінны паведаміць у Міністэрстве абароны. Але, паводле нашых даных, больш за 20 чалавек. На гэты момант выратаваны дзесяць чалавек, знойдзены сем загінулых", - сказаў Руслан Іманкулаў.
Сход снежнай лавіны адбыўся ў час планавых заняткаў па баявой падрыхтоўцы ваеннаслужачых, паведамілі ў Мінабароны.-0-
