21 ліпеня, Мінск /Кар. БЕЛТА/. Эпідэмія халеры прадаўжае забіраць жыцці людзей у правінцыях Емена. Як інфармуе ТАСС са спасылкай на Сусветную арганізацыю аховы здароўя, ахвярамі халеры ў краіне з канца красавіка сталі 1,828 тыс. чалавек.
Акрамя таго, з 27 красавіка па 19 ліпеня зарэгістравана 368,207 тыс. выпадкаў з падазрэннем на халеру. Эпідэмія адзначана ў 21 правінцыі з 23, а ўзровень смяротнасці складае 0,5 працэнта.
У Емене са жніўня 2014 года прадаўжаецца процістаянне паміж урадавымі сіламі і мяцежнікамі-хусітамі.-0-
