29 чэрвеня, Мінск /Кар. БЕЛТА/. Несуцяшальныя навіны прыходзяць з Турцыі. Як перадаюць інфармацыйныя агенцтвы са спасылкай на даныя мясцовага бюро судмедэкспертыз, колькасць загінулых у выніку тэракта ў аэрапорце Стамбула павялічылася да 43 чалавек. Раней паведамлялася аб 36 загінулых.
У спісе загінулых значацца восем іншаземцаў, сярод якіх грамадзянін Узбекістана і адна ўкраінка. Яшчэ ў пяці ахвяр тэракта было двайное грамадзянства.
Асобы чацвярых загінулых пакуль не ўстаноўлены.
Тэракт адбыўся каля ўваходу ў будынак міжнароднага тэрмінала аэрапорта імя Атацюрка. Вядома аб трох тэрарыстах, якія ўдзельнічалі ў нападзенні. Спачатку яны адкрылі агонь са зброі па людзях, пасля чаго злачынцы ўчынілі самападрыў.-0-