15 сакавіка, Хмеймім /БЕЛТА - ТАСС/. Расійская авіяцыйная групоўка ў Сірыі прадоўжыць наносіць удары па аб'ектах тэрарыстаў, заявіў сёння намеснік міністра абароны Расіі - статс-сакратар Мікалай Панкоў.
"Дасягнуты пэўныя станоўчыя вынікі. З'явіўся рэальны шанц пакласці канец шматгадоваму процістаянню і насіллю. Аднак аб перамозе над тэрарызмам гаварыць пакуль рана. Расійская авіягрупа мае задачу прадоўжыць нанясенне ўдараў па аб'ектах тэрарыстаў", - сказаў Мікалай Панкоў на ўрачыстым мерапрыемстве ў сувязі з выкананнем расійскімі ваеннымі задач на тэрыторыі Сірыі.
Ён нагадаў, што перамір'е, дзеючае ў краіне з 27 лютага, не распаўсюджваецца на баевікоў "Ісламскай дзяржавы", "Джэбхат ан-нусры" і іншых груповак, прызнаных Саветам Бяспекі ААН тэрарыстычнымі.
Мікалай Панкоў таксама паведаміў, што баявая работа расійскіх лётчыкаў і падраздзяленняў забеспячэння ў Сірыі дала магчымасць сарваць планы тэрарыстаў па экспансіі ў новыя рэгіёны, у тым ліку ў Расію. Пры гэтым ён адзначыў, што за кошт нанясення істотнага ўрону тэрарыстам удалося актывізаваць наступы груповах урадавых войскаў Сірыйскай Арабскай Рэспублікі і вызваліць больш як 200 населеных пунктаў.-0-
