29 жніўня, Мінск /Кар. БЕЛТА/. Прэзідэнт Чэшскай Рэспублікі Мілаш Земан выступіў за спыненне напору бежанцаў у Еўрасаюз за кошт закрыцця граніц ЕС для нелегальных мігрантаў. Аб гэтым ён заявіў канцлеру Германіі Ангеле Меркель, паведамляюць інфармагенцтвы са спасылкай на інтэрв'ю кіраўніка Чэхіі радыёканалу "Частата-1".
На думку Мілаша Земана, менавіта закрыццё граніцы дапаможа справіцца з міграцыйным крызісам.
Кіраўнік Чэхіі выступіў і за тое, каб адзіная армія Еўрасаюза была створана як мага хутчэй. Ён падкрэсліў, што гэта неабходна для забеспячэння аховы знешніх граніц ЕС, а таксама барацьбы з міжнародным тэрарызмам. Паводле слоў Мілаша Земана, дзяржавам Еўрапейскага саюза неабходна быць у кааліцыі з іншымі краінамі па гэтым пытанні.
Мілаш Земан сказаў, што цяпер найбольшую небяспеку ўяўляе менавіта "Ісламская дзяржава". Ён падкрэсліў, што супраць пагроз, якія ідуць ад групоўкі, неабходна змагацца неадкладна.-0-
