Мабільная версія
ДЗЯРЖОРГАНЫ
Апошнія навіны
Усе навіны

На поўначы Італіі з-за дрэннага надвор'я эвакуіравалі больш за 2 тыс. чалавек

У свеце 13.12.2017 | 09:55
У вобласці Эмілія-Раманья
У вобласці Эмілія-Раманья

13 снежня, Мінск /Кар. БЕЛТА/. На поўначы Італіі ў вобласці Эмілія-Раманья з-за ліўневых дажджоў, якія ў шэрагу раёнаў прывялі да рэзкага павышэння ўзроўню рэк і паводкі, эвакуіравалі больш за 2 тыс. чалавек. Аб гэтым паведамляюць інфармагенцтвы са спасылкай на абласную службу Грамадзянскай абароны (ГА).

Эвакуацыя закранула населены пункт Лентыджоне, адкуль былі вывезены каля 1 тыс. жыхароў, горад Барэта, дзе выратаваны яшчэ больш за 1 тыс. грамадзян. У выратавальнай аперацыі прынялі ўдзел верталёты і машыны-амфібіі, здольныя перамяшчацца як на зямлі, так і па вадзе.

Неабходнасць эвакуацыі была выклікана тым, што правы прыток По - рака Энца з-за дажджоў выйшла з берагоў і прарвала дамбу, якая абараняла некалькі населеных пунктаў у правінцыі Рэджа-нэль-Эмілія. Пажарныя і супрацоўнікі службы ГА ратавалі людзей і жывёл у некалькіх раёнах Эміліі-Раманьі, аднак масавай эвакуацыі не было. Ніхто з жыхароў вобласці раненняў не атрымаў.

У паўночных правінцыях Італіі яшчэ ў панядзелак прайшлі снегапады і ліўневыя дажджы. Нацыянальная служба ГА ўвяла чырвоны ўзровень метэанебяспекі з-за пагрозы дажджавой паводкі ў абласцях Лігурыя і Таскана. У аўторак такой жа ўзровень пагрозы аб'явілі ў Эміліі-Раманьі. У сераду небяспечныя ўмовы надвор'я прагназуюцца таксама ў абласцях Фрыулі-Венецыя-Джулія і Венета.-0-

Версія для друку
Навіны рубрыкі У свеце
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).