27 красавіка, Пханмунджом /БЕЛТА - Рэнхап/. Лідар Рэспублікі Карэя Мун Чжэ Ін восенню зробіць афіцыйны візіт у КНДР. Аб гэтым гаворыцца ў дэкларацыі, якую кіраўнікі Рэспублікі Карэя і КНДР падпісалі сёння ў час міжкарэйскага саміту.
Акрамя таго, на сустрэчы бакі дамовіліся аб пачатку работы для злучэння чыгунак дзвюх краін, а таксама аб фізічнай ліквідацыі ўсіх сродкаў прапаганды, якія выкарыстоўваліся бакамі ў прыгранічных раёнах.
Важным крокам стала рашэнне адносна сумеснага ўдзелу абедзвюх краін у міжнародных спаборніцтвах.
Галоўным пытаннем перагавораў стала спыненне любых варожых дзеянняў з боку абедзвюх краін. Як заяўлялася раней, бакі маюць намер падпісаць мірны дагавор.
Акрамя таго, сёння першыя лэдзі КНДР і Рэспублікі Карэя сустрэліся ў ходзе міжкарэйскага саміту, дзе далучыліся да сваіх мужоў у час урачыстай вячэры.-0-
