3 жніўня, Мінск /Кар. БЕЛТА/. У расійскім Сочы на месцы самабуда, дзе 30 ліпеня здарыўся вялікі пажар, знойдзены целы яшчэ двух чалавек. Такім чынам, колькасць ахвяр павялічылася да 10 чалавек, паведамляецца на сайце ўпраўлення СК РФ па Краснадарскім краі.
Раней паведамлялася, што ў выніку пажару загінулі 8 чалавек, у тым ліку дзіця, яшчэ тры чалавекі пацярпелі.
Паводле даных паліцыі, уладальніку пабудовы, у якой загінулі людзі ў выніку пажару, прад'яўлена абвінавачанне ў аказанні паслуг неналежнай якасці. "Паводле даных следства, ачаг узгарання быў у кафэ-шашлычнай, адкуль полымя перайшло на суседні будынак, гаспадар якога здаваў яго за плату адпачывальнікам", - гаворыцца ў паведамленні СК. Устаноўлена, што згарэлыя пабудовы былі ўзведзены самавольна.
Дакладная прычына ўзгарання будзе вядома па выніках праводзімай цяпер пажаратэхнічнай экспертызы. Па знойдзеных целах загінулых назначаны генетычныя экспертызы.-0-
