3 жніўня, Мінск /Кар. БЕЛТА/. Кітай і Злучаныя Штаты Амерыкі ў далейшым будуць імкнуцца да ўрэгулявання гэтых супярэчнасцей шляхам перагавораў. Аб гэтым дамовіліся міністр замежных спраў КНР Ван І і дзяржсакратар ЗША Майкл Пампеа ў час сустрэчы ў Сінгапуры, паведамляе ТАСС са спасылкай на партал "Сіна".
Па выніках праведзеных перагавораў кіраўнік МЗС Кітая заявіў журналістам, што бакі абмяняліся меркаваннямі наконт цяперашняй сітуацыі і прыйшлі да ўзаемаразумення па галоўных пытаннях. Удзельнікі сустрэчы таксама выказалі гатоўнасць вырашаць існуючыя праблемы шляхам дыялогу, каб пазбегнуць узмацнення трэнняў.
Раней стала вядома, што Белы дом разглядае магчымасць увядзення пошлін у памеры 25 працэнтаў на імпарт кітайскіх тавараў і паслуг на суму $200 млрд. Абвінавачваючы Кітай у крадзяжы амерыканскай інтэлектуальнай уласнасці і ажыццяўленні несправядлівай гандлёвай практыкі, ЗША ў чэрвені ўвялі 25-працэнтныя пошліны на імпартуемыя тавары з Кітая на суму $50 млрд. Кітай увёў меры ў адказ супраць амерыканскіх фермераў і прадпрыемстваў, што закранула 40 працэнтаў амерыканскага экспарту ў КНР.-0-
