19 чэрвеня, Мінск /Кар. БЕЛТА/. Паліцыя Францыі праводзіць спецаперацыю ў раёне Елісейскіх палёў у Парыжы, з тэатра Марыньі эвакуіраваны людзі, паведамляюць інфармагенцтвы.
Паліцыя пакуль не тлумачыць прычыны спецаперацыі. Паводле інфармацыі мясцовых СМІ, на Елісейскіх палях аўтамабіль пратараніў паліцэйскі аўтобус, пацярпелых няма. У той жа час відавочцы паведамляюць аб аўтамабілі, што загарэўся побач з будынкам тэатра Марыньі. Іншыя падрабязнасці пакуль не прыводзяцца.-0-