22 мая, Анкара /БЕЛТА - Агенцтва Анадолу/. Прэзідэнт Турцыі Рэджэп Таіп Эрдаган зноў узначаліў кіруючую Партыю справядлівасці і развіцця (ПСР). Адпаведнае рашэнне прынята 21 мая на III пазачарговым з'ездзе кіруючай партыі ў Анкары.
Рэджэп Таіп Эрдаган выбраны на пасаду старшыні ПСР галасамі 1 414 дэлегатаў з'езда кіруючай партыі.
Паводле слоў кіраўніка дзяржавы, III пазачарговы з'езд кіруючай партыі пакладзе пачатак новаму этапу развіцця партыі краіны ў цэлым.
"Наступныя месяцы стануць перыядам скачка ў многіх сферах, у тым ліку ў эканамічнай галіне і ў сферы барацьбы з тэрарызмам", - паабяцаў кіраўнік кіруючай партыі.
У адпаведнасці з патрабаваннем Канстытуцыі, Рэджэп Таіп Эрдаган пакінуў рады кіруючай партыі 27 жніўня 2014 года - у хуткім часе пасля выбрання на пасаду прэзідэнта. На чале кіруючай партыі тады быў Ахмет Давутаглу. 22 мая 2016 года на II пазачарговым з'ездзе Партыі справядлівасці і развіцця яе старшынёй быў выбраны Біналі Йылдырым.
Папраўкі, унесеныя ў Канстытуцыю Турцыі на рэферэндуме 16 красавіка, зрабілі магчымым вяртанне Рэджэпа Таіпа Эрдагана ў шэрагі кіруючай партыі.-0-